Քիմ Քարդաշյանը ընտանիքի հետ տարհանվել է, նրա խորթ հոր տունը այրվել է․ Քալիֆորնիայում անտառային հրդեհներ են մոլեգնում
10:04 10 նոյեմբերի, 2018Ահա արդեն երրորդ օրն է՝ Քալիֆորնիայում հրդեհներ են մոլեգնում, իսկ կրակը հասել է մինչեւ Հիդեն Հիլզ, Կալաբասասա, Մալիբու եւ այլ վայրեր, որտեղ հիմնականում բնակություն են հաստատել աստղերը։
Այս պահին հայտնի է, որ կրակը հիմնահատակ այրել է Քիմ Քարդաշյանի խորթ հոր՝ տրանսգենդեր Քեյթլի Ջենների տունը։
Քեյթլիի տունը
Քեյթլին ներկայումս տեղափոխվել է դստեր՝ Քայլի Ջենների տուն։
Կրակը հասել է Քանյե Ուեսթի ու Քիմ Քարդաշյանի առանձնատուն։
Շքեղ տունը, որը գնահատվում է 20 միլիոն դոլար, կարող է ամեն պահի գետնին հավասարվել։
Ինքը՝ Քիմ Քարդաշյանն ամուսնու ու երեխաների հետ արագ տարհանվել է։
38-ամյա հայուհին իր Instagram-ի Stories-ում հայտնել է իր տարհանման մասին, իսկ ավելի ուշ գրել է, որ իր հետ ամեն ինչ կարգին է։ Քիմը տեղափոխվել է Քլոեի մոտ։
«Մեզ հետ այս պահին ամեն ինչ կարգին է, մենք անվտանգ տեղում ենք», - գրել է Քիմը։
Նշենք, որ Կալաբասասայում կրակը հասել է մինչեւ Քանյե Ուեսթի գրասենյակ եւ ըստ վերջին տեղեկությունների՝ նրա գրասենյակը սարքավորումների ու անձնակազմի հետ տարհանվել է։
Կրակը այս պահին հասել է Լեդի Գագայի, Ուիլ Սմիթի, մոդելներ Ջիջի եւ Բելա Հադիդների մոր՝ Յոլանդայի առանձնատներ։
Աղբյուրը՝ Daily Mail
Նկարները՝ Instagram, AP, Splash