Այն, որ Քանյե Ուեսթը կրեատիվ եւ ոչ ստանդարտ մտածելակերպ ունեցող անձ է դա փաստ է։
41-ամյա ռեփերը պաշտում է արվեստը, ինչպես նաեւ հետաքրքրվում է թանգարաններով, նորաձեւությամբ, դիզայնով եւ նաեւ շատ այլ բաներով։
Այդ իսկ պատճառով զարմանալի չէ, որ Քանյեն դստեր հետ գնացել է ոչ թե ֆաստ ֆուդ ուտելու, այլ թանգարան։
Ռեփերը դստեր՝ Նորթի հետ Լոս Անջելեսի պապարացիները նկատել են, երբ աստղը դստերն ուսերին դրած եղել է California Science Center։
Հիշեցնենք, որ Քանյե Ուեսթը 150 հազար դոլար է տվել ոստիկանության կողմից սխալմամբ գնդակահարված աֆրոամերիկացի թիկնապահի ընտանիքին: Ողբերգական միջադեպը տեղի է ունեցել օրերս Չիկագոյի արվարձանում:
Ոստիկանությունն օրերս ժամանել էր բար, որտեղից հրաձգության մասին զանգ էր ստացվել:
Սակայն կարգի պահապանները պատահաբար սպանել էին անվտանգության աշխատակցին՝ 26-ամյա Ջեմել Ռոբերթսոնին, որը մինչ այդ պայքարի մեջ էր մտել հաստատությունում հրաձգություն սկսած այցելուների հետ:
Ամեն ինչ սկսվել է նրանից, երբ Ջեմել Ռոբերթսոնը հարբած տղամարդկանց խնդրել էր լքել բարը: Ականատեսների խոսքով՝ հարբած այցելուներից մեկը վերադարձել է ատրճանակով եւ կրակել: Ռոբերթսոնը սկսել է կրակելով պաշտպանվել եւ նույնիսկ կարողացել է բռնել հարձակվողներից մեկին, նրան դուրս է բերել փողոց եւ մեջքին է սեղմել զենքը՝ ասելով. «Չշարժվե՛ս»:
Հենց այդ պահին ժամանել է ոստիկանությունը եւ չպարզելով ինչն ինչոց է՝ սկսել է կրակել: Անվտանգության աշխատակիցը ստացած վնասվածքներից հիվանդանոցում մահացել է:
Ինչպես պատմել են Ջեմել Ռոբերթսոնի ընկերները, նա ինքն էլ որոշել էր ոստիկան դառնալ:
TMZ-ն հայտնում է, որ Քանյե Ուեսթը այս պատմությունից զգացված որոշել է երիտասարդի ընտանիքին օգնել: Չիկագոյի բնակիչները ստեղծել են Ռոբերթսոնի ընտանիքի աջակցության հիմնադրամ՝ նախատեսելով հավաքել 10 հազար դոլար, եւ ահա՝ Ուեսթը որոշել է հատկացնել միանգամից 150 հազար դոլար:
Աղբյուրը՝ Daily Mail
Լուսանկարները՝ X17Online