Գարիկ Մարտիրոսյանը պատրաստ է «Միմինո-2»-ի նկարահանումներին

11:04   20 նոյեմբերի, 2018

Առանց խուճապի, սա, կարծես, կատակ է: Ոչ ոք ոչ մի բան չի նկարահանում, Գարիկ Մարտիրոսյանն ուղղակի ներկայացել է օդաչուի կերպարով: Շոումենն իր միկրոբլոգում լուսանկար է հրապարակել, որտեղ ներկայացել է քաղաքացիական ավիացիայի օդաչուի համազգեստով:

«Օդաչուական դասընթացն ավարտեցի գերազանցով: Այսօր առաջին թռիչքն է: Կապիտան Մարտիրոսյանը պատրաստ է թռիչքին»,- Գարիկն այսպես է մակագրել լուսանկարը:

Շոումենը մի փոքր ավելի ուշ եւս մեկ լուսանկար է հրապարակել (վերնագրային ֆոտոն):

««Միմինո-2»: Մեծն Դանելիան երբեւէ կմտածի նկարահանել երկրորդ մասը, իսկ ինչ-որ մեկն արդեն փորձերին պատրաստ է»,- գրել է Գարիկը:

Իսկ Մոսկվայում տեղի է ունեցել Ալսուի համերգը եւ ինչպես մեզ արդեն հասցրել է տեղեկացնել Գարիկ Մարտիրոսյանի կինը՝ Ժաննա Լեւինան, նա ամուսնու հետ նույնպես ներկա է եղել դրան։

Քիչ ավելի ուշ Ժաննան միկրոբլոգի իր էջում հրապարակել է նաեւ երգը, որի երաժշտությունը գրել է Գարիկը, իսկ խոսքերը՝ Ալեքսեյ Չումակովը:

«Երեկ Ալսուի համերգին հանդիսատեսին սպասում էին ոչ միայն բոլորի կողմից արդեն սիրված երգերը, այլ նաեւ հաճելի անակնկալներ՝ Գարիկ Մարտիրոսյանի եւ Ալեքսեյ Չումակովի երգի պրեմիերան, Ալսուի տաղանդավոր դուստրերի՝ Սաֆինայի եւ Միկելայի կատարմամբ երգը, Ալսուի հորը նվիրված թաթարերեն երգը եւ կոմպոզիցիան: Համերգն անչափ անկեղծ էր, գեղեցիկ, մեղեդային, կախարդական եւ մի շնչով անցավ!!!!!!»,- իր միկրոբլոգում գրել է Ժաննան:



© NEWS.am STYLE