Դոլչեն եւ Գաբբանան ներողություն են խնդրել չինացիներից՝ ռասիզմի մեջ մեղադրվելուց հետո
12:35 23 նոյեմբերի, 2018Դոլչեն եւ Գաբբանան կրկին տհաճ պատմության մեջ են հայտնվել։ Նոյեմբերի 21-ին Շանհայում պետք է տեղի ունենար ապրանքանիշի ցուցադրությունը, սակայն շոուն չի կայացել․ դրա գովազդային հոլովակը վիրավորել էր չինացիներին։
Իտալացի դիզայները հանդես են եկել Չինաստանի ամենահայտնի կայքերից մեկով՝ Weibo-ով, որում նրանք փայտիկներով ուտելու վերաբերյալ երեք թեմատիկ տեսանյութ են հրապարակել։
Հոլովակներում չինուհիները բացատրում են, թե ինչպես փայտիկների օգնությամբ ուտել իտալական կերակուր, ինչը հերթական սկանդալի առիթ է դարձել։
Այսօր Դոմենիկո Դոլչեն եւ Ստեֆանո Գաբբանան ներողություն են խնդրել Չինաստանում Dolce&Gabbana ապրանքանիշը ռասիզմի եւ սեքսիզմի մեջ մեղադրելուց հետո։ Իրենց հայտարարութամբ տեսանյութը նրանք տեղադրել են վերոնշյալ կայքում։
Տեսանյութի վերջում նրանք չինարեն ներողություն են խնդրել ։
«Չինաստան մեր անթիվ այցերը ստիպել են ավելի շատ սիրել չինական մշակույթը։ Իհարկե, մենք էլ դեռ շատ բան ունենք սովորելու։ Մենք ներողություն ենք խնդրում թույլ տրված սխալի համար», - նշել է Դոլչեն։
Գաբբանան իր հերթին նշել է, որ նրանք երվբեք չեն մոռանան այդ փորձն ու դասը՝ հավելելով, որ նման բան երբեք չի կրկնվի։