Երեկոյան զգեստների հետեւից՝ այսուհետ միայն դեպի Privé
23:04 23 նոյեմբերի, 2018Թեթեւ, սահուն կտորներ, հիանալի ձեւվածք, քարեր, փայլեր, բանտեր, արծաթափայլ եւ ոսկեփայլ թելեր, անսպասելի գունային եւ ոճային որոշումներ․ այս ամենը Privé նոր նորաձեւության բուտիկում (ֆրասերենից թարգմանաբար նշանակում է սեփական), որի բացումը տեղի է ունեցել Երեւանում։
Նախագծի նախաձեռնող՝ դիզայներ Վահան Խաչատրյանի խոսքերով շեշտը դրվել է երեկոյան զգեստների վրա։ «Երեւանում կան հայ դիզայներների մի քանի բուտիկներ, որոնք մասնագիտացված են առօրյա հագուստների գծով: Իսկ երեկոյան զգեստների տեղը դատարկ է։ Որպես նույն բնագավառի ներկայացուցիչներ մենք որոշեցինք լուծել այս խնդիրը եւ այդ ողջ գեղեցկությունը հավաքել մի տանիքի տակ, այսպիսով թեթեւացնելով մեր հաճախորդների գործը», - ասեց Վահան Խաչատրյանը՝ NEWS.am STYLE-ի հետ զրույցում։
Նա նշեց, որ այս նախագծում իր լուման է դրել նաեւ դիզայներ Արեւիկ Սիմոնյանը («Kivera Nanomis»), Արամ Նիկոլյանը («Nikolyan»)։ Բուտիկում ներկայացված են նաեւ նորաձեւության սիրահարների կողմից ընդունված Ֆաինա Հարությունյանի («Faina»), Harmony ապրանքանիշի եւ այլոց աշխատանքները։
Ի դեպ, գնորդների մասին։ Նրանցից շատերը դժգոհում են տեղի ֆեշն արտադրության բարձր գներից։ «Ցավոք, կա կարծիք, որ եթե հագուստը մերն է՝ հայկական, ապա այն պետք է լինի էժանագին, - նշեց Վահան Խաչատրյանը։ - Այսպիսի մոտեցումը իջեցնում է այս բնագավառում մարդկանց նվաճումները։ Ամեն դեպքում արտասահմանյան ապրանքանիշների հետ համեմատելիս այստեղի գները մատչելի են։
Որակը չի կարող էժան լինել։ Մենք փորձել ենք սահմանել բարձր չափանիշ եւ այստեղ ներկայացված աշխատանքները դրան համապատասխանում են։ Բոլոր հագուստները էքսքլյուզիվ են եւ մեկ օրինակից։ Շատ է ծավալուն դետալներով հագեցած ձեռքի աշխատանքը։ Մի խոսքով, այն մարդկանց համար, որոնք սիրում են հագնվել եւ առանձնանալ իրենց արտաքինով, գնի հարցն ակտուլ չէ»։