Հիմա արդեն պարզ է՝ ինչու էր Քիմ Քարդաշյանը երեկ հրապարակում Boeing 747 ինքնաթիռի լուսանկարը, որը Քանյե Ուեսթն օգտագործում է որպես գրասենյակ։
Օդանավի մեջ մի քանի ննջասենյակ, բար, խոհանոց ու սպորտային ակումբ կա։
Քիմ Քարդաշյանն ու Քանյե Ուեսթը Տոկիո են ժամանել եւ այցելել ճապոնացի հայտնի նկարիչ Տակաշի Մուրակամիին։ Twitter-ի իրենց էջերում լուսանկարը հրապարակել են թե Քիմ Քարդաշյանը, թե նկարիչը։
Տակաշին ժամանակակից նկարիչ է, դիզայներ, քանդակագործ, ով ապրում եւ ստեղծագործում է երկու քաղաքներում՝ Տոկիո եւ Նյու Յորք։
«Քիմ Քարդաշյանն ու Քանյե Ուեսթն այսօր այցելել են իմ ստուդիա»,- գրել է նկարիչը։
Հանգստյան օրերին հրապարակվել է Keeping Up With The Kardashians ռեալիթի-շոուի նոր էպիզոդը, որի ընթացքում 38-ամյա հայուհին նոր փաստեր է ներկայացրել իր կյանքի մասին։
Քարդաշյանը հայատարարել է, որ կյանքում երկու անգամ է թմրամիջոցներ, մասնավորապես էքստազի օգտագործել։
«Էքստազի օգտագործել եմ երկու անգամ։ Առաջին անգամ, երբ ամուսնացա, երկրորդը՝ սեքս տեսանյութը ձայնագրելիս։ Ամեն վատ բան տեղի ունեցավ հենց դրա պատճառով»,- հայտարարել էր Քիմ Քարդաշյանը։
TMZ-ն կապվել է աստղի նախկին ընկերոջ Ray J-ի հետ, ում ներկայացուցիչները մեկնաբանել են հայտարարությունը։
«Քիմը թմրամիջոցներ եւ ալկոհոլ չի օգտագործել սեքս ձայնագրության նկարահանման ընթացքում։ Նա մարիխուանա է օգտագործել նկարահանումից հետո։ Քիմն ակնարկում է, թե ձայնագրությունը կատարելիս այնքան էլ չի հասկացել՝ ինչ է անում, թեեւ ի սկզբանե իմացել է՝ ինչ է անում եւ ինչու»,- հայտնել է երգչի ներկայացուցիչը։
Քիմի ներկայացուցիչները շարունակում են պնդել, որ հայուհին եղել է թմրամիջոցների ազդեցության տակ եւ որ այդ փորձը նրան թույլ է տվել մեկընդմիշտ հրաժարվել վատ սովորությունից։