Արտասահմանյան առաջատար ԶԼՄ-ները հայտնում են, որ 39-ամյա Քեթի Հոլմսն ու 50-ամյա Ջեյմի Ֆոքսը պատրաստվում են ձմռանն ամուսնանալ Փարիզում:
«Քեթին շատ երկար է սպասել Ջեյմիի հետ ամուսնությանը, բայց հիմա արդեն հստակ ասել է՝ որտեղ եւ երբ է ցանկանում ամուսնանալ: Նա շատ է ցանկանում ձմռանն ամուսնանալ լույսերի քաղաքում»,- հաղորդում է անանուն աղբյուրը:
Հիշեցնենք, որ Քեթին ամուսնացած է եղել Թոմ Քրուզի հետ. նրանք ամուսնացել են 2006թ.-ին Իտալիայում: Արարողությունից կես տարի առաջ ծնվեց նրանց դուստրը՝ Սուրին: 6 տարի համատեղ կյանքից հետո զույգն ամուսնալուծվեց:
Հոլմսի ու Ֆոքսի սիրավեպը սկսվել է 2013թ.-ին: 5 տարվա հարաբերությունների ընթացքում զույգին ընդամենը մի քանի անգամ են միասին տեսել:
Աղբյուրը՝ Daily Mail
Լուսանկարները՝ Getty Images