Քիմ Քարդաշյանը մայրիկին Tiffany & Co ապրանքանիշի ճամպրուկների հավաքածու է նվիրել
16:04 30 նոյեմբերի, 201838-ամյա հայուհի Քիմ Քարդաշյանը որոշել է Ամանորին ընդառաջ մայրիկին ճամպրուկների հավաքածու նվիրել։
Հավաքածուն թողարկել է Tiffany & Co ապրանքանիշը։
Քրիս Ջեններն Instagram-ի իր էջում ցույց է տվել հայտնի ապրանքանիշի ճամպրուկների հավաքածուն, որի վրա Քիմն ավելի քան տաս հազար դոլար է ծախսել։
Հիշեցնենք, որ Քիմ Քարդաշյանն ու Քանյե Ուեսթը ավտովթարից տուժած լուսանկարչի ընտանիքին 25.000 դոլար են հատկացրել։
Հոկտեմբերի սկզբին հաղորդվում էր, որ Քիմ Քարդաշյանի եւ Քանյե Ուեսթի անձնական լուսանկարիչ Մարկուս Հայդը Մալիբուում ավտովթարի է ենթարկվել: Հայդը, ով ավտոմոբիլային մրցարշավների սիրահար է, չի կարողացել կառավարել Mercedes AMG CLS մակնիշի ավտոմեքենայի արագությունը եւ դուրս է եկել ճանապարհի երթեւեկելի հատվածից: Լուսանկարչին ծանր վիճակում հիվանդանոց են տեղափոխել, ուր նա գտնվում է մեկ ամսից ավելի:
Մարկուսի ընտանիքը դժվարանում է հոգալ բժշկական ծախսերը, եւ հայուհին ամուսնու հետ որոշել է օգնել լուսանկարչին, ում ընտանիքը սկսել է գումար հավաքել համացանցում: