Երկար սպասված հանդիպում․ «Գահերի խաղից» Արյա Սթարքը «հասավ» Սերսեային

Շատ շուտով կավարտվի ամենահայտնի սերիալը՝ «Գահերի խաղը»։ Հանրությունը սպասում է, արդյոք Արյա Սթարքը կիրականացնի իր հայտնի ցուցակի վերջին՝ Սերսիա Լաննիսթերի սպանությունը։ Խաղաքարտերը խառնում է այս երկու կերպարների դերակատարների համատեղ լուսանկարը, որին դիտելուց դժվարանում ես հավատալ, որ հերոսուհիներից մեկը մյուսին կարող է վնասել։

Դատելով Մեյսի Ուիլյամսի հագուստից, սերիալում նրա հոր՝ «ձմեռը մոտ է» արտահայտությունը ընդունվել է բառացի․ աղջիկը Elle Weekender 2018-ի կարմիր գորգուղու վրա ներկայացել է տաք վերնաշապիկով եւ տաբատով։ Իսկ ահա Լենա Խիդին ընտրել էր տոպ, որը համապատասխանում է իր կերպարին։

Աղբյուրը՝ Daily Mail

Լուսանկարները՝ REX,Abspad