«Աստղը ծնվեց» ֆիլմն ԱՄՆ-ի Կինոդերասանների գիլդիայի մրցանակաբաշխության ֆավորիտն է

Ռեժիսոր Բրեդլի Կուպերի «Աստղը ծնվեց» ֆիլմն անվանակարգերի թվով ԱՄՆ-ի Կինոդերասանների գիլդիայի մրցանակաբաշխության առաջատարն է։ Մրցանակի հավակնող ֆիլմերի ցանկը հրապարակվել է գիլդիայի կայքում։ Դրանցում ներառված է կինոյի եւ հեռուստատեսության՝ ավելի քան 165 հազար դերասան։

«Աստղը ծնվեց» ֆիլմը, որը պատմում է քանթրի ոճի երաժիշտի եւ երգչուհու սիրավեպի մասին, ներկայացված է չորս անվանակարգում, այդ թվում գլխավոր անվանակարգում՝ «լավագույն դերասանական կազմ»։ Կուպերը, ով ֆիլմում մարմնավորում է գլխավոր հերոսի կերպարը, հավակնում է «գեղարվեստական ֆիլմի լավագույն դերասան» մրցանակին։ «Գեղարվեստական ֆիլմի լավագույն դերասանուհի» մրցանակի համար կպայքարի նաեւ երգչուհի Լեգի Գագան, ով մարմնավորում է գլխավոր հերոսուհու կերպարը։ Ամերիկացի դերասան Սեմ Էլիոթը նոմինացված է երկրորդ պլանի լավագույն դերասան անվանակարգում։

Երեք անվանակարգերում ներկայացված են «Կլանի սեւ անդամը» եւ «Ֆավորիտուհին» ֆիլմերը։ «Կլանի սեւ անդամը» ֆիլմը, որը պատմում է ռասիստական կազմավորման դեմ սեւամորթ ոստիկանի պայքարի մասին, հավակնում է նաեւ «լավագույն դերասանական կազմ» մրցանակին։ Ֆիլմում նկարահանված Ջոն Դեւիդ Վաշինգթոնը եւ Ադամ Դրայվերը հավակնում են գլխավոր եւ երկրորդ պլանի դերակատարների համար նախատեսված մրցանակի համար։

«Ֆավորիտուհին» ֆիլմում գլխավոր հերոսուհուն մարմնավորած բրիտանուհի Օլիվիա Քոլմանն առաջադրված է «գեղարվեստական ֆիլմի լավագույն դերասանուհի» անվանակարգում։ Ռեյչել Վայսն ու էմմա Սթոունը կպայքարեն երկրորդ պլանի լավագույն դերասանուհու մրցանակի համար։

Հաղթողների անունները կհրապարակվեն Լոս Անջելեսում հունվարի 27-ին։

Լուսանկարները՝ Foxtime,Kinopoisk