Ամուսնու մեջքին սարի պես կանգնած․ Քիմ Քարդաշյանը նախազգուշացրել է Դրեյքին հեռու մնալ իր երեխաների հորից

Ռեփեր Քանյե Ուեսթը վիճել է մեկ այլ երաժիշտ՝ ռեփեր Դրեյքի հետ։ ՔԻմ Քարդաշյանի ամուսինը մեկ օրվա ընթացքում կատարել է ավելի քան հարյուր գրառում թվիթերում, որոնցում շոշափել է հիփ-հոփ կատարողի հետ լարված հարաբերությունները։  Նրա խոսքերով Դրեյքը զանգահարել եւ սկսել է սպառնալ։

Զայրացած Քիմը պաշտպանել է ամուսնուն․ «Եվ այսպես, Դրեյք, եթե ինձ կամ ընտանիքիս անդամներից որեւէ մեկի հետ ինչ-որբան պատահի, ապա դու առաջին կասկածյալն ես։ Այդ իսկ պատճառով հանգստացիր։ Հեռու մնա Նորթի, Սեյնթի եւ Չիկագոյի հորից»։

Ռեփերների միջեւ պատորազմը սկսվել է, երբ կանադացի երաժիշտը թույլտվություն է խնդրել օգտագործել Քանյեի «Say You Will» ստեղծագործության սեմփլը (թվայնացված փոքրիկ երաժշտական հատված)։  Մեկ այլ տարբերակով, այն սկսվել է այն բանից հետո, երբ Pusha-T-ն «Infrared» երգով  հետ մեղադրել էր Դրեյքին, որ նա օգտվում է կողմնակից հեղինակների ծառայություններից: «Infrared»-ի պրոդյուսերը Քանյե Ուսեսթն էր: Երգը ներգրավված է եղել «Daytona» ալբոմում, թողարկվելով G.O.O.D լեյբլում, որը պատկանում է Քանյեին: Դրեյքը պատասխանել է Pusha-T-ին «Duppy Freestyle» երգով, ինչից հետո Pusha-T-ն թողարկեց «The Story Of Adidon» ստեղծագործությունը, որտեղ հայտնեց, որ Դրեյքը պոռնոաստղից երեխա ունի, որին չի թաքցնում:

Աշնանը խոսակցություններ էին շրջանառվում, թե իբր Քիմն ու Դրեյքը սիրավեպ են ունեցել։ Քանյեն դիմել էր Դրեյքին, որպեսզի նա ցրի այդ ասեկոսեները։ Վիճաբանությունը ծագեց, երբ երկրպագուները որոշել էին, որ Դրեյքի «In My Feelings» հիթի մեջ հնչող Kiki-ն հենց Քիմ Քարդաշյանն է։

«Եթե ես Չիկագոյից Ռենիտա անունով ընկերուհի ունենայի, իսկ քո կնոջ անունը լիներ Ռիհաննա, ապա ես չէի գրի «Ռիռի» ամվամբ երգ։ Մի գրիր երգեր, որոնք շփոթություն են առաջացնում», - նշել է Քանյեն։

Աղբյուրը՝ Daily Mail

Լուսանկարը՝ Instagram