Sparkle Night: նորաձեւ Երեւանիցները՝ The Muse-ի եւ Fashiondrug-ի ամանորյա հավաքածուի ցուցադրությանը
20:32 21 դեկտեմբերի, 2018Արդեն երրորդ տարին շարունակ Երեւանում նորաձեւության գլխավոր իրադարձություններից մեկը «The Muse» հագուստի ապրանքանիշի եւ «Fashiondrug» աքսեսուարների ամանորյա հավաքածուի ներկայացումն է։
Միջոցառումը, որը խորհրդանշական անվանում ունի՝ «Sparkle Night» («Փայլուն գիշեր»), փայլում էին ոչ միայն վերը նշված ապրանքանիշների հագուստներն եւ աքսեսուարները, այլեւ հյուրերը։ Երեկոյի շրջանակներում ոճային կանանց բազմաթիվ անակնկալներ էին սպասվում. հաճելի միջավայրում կարելի էր զգեստ ընտրել Ամանորի գիշերվա համար, մտերիմների համար աքսեսուարներ գնել, ինչպես նաեւ մասնկացել մրցանկաների խաղարկությանը, որոնք տրվում են ոչ միայն երեկոյի կազմակերպիչների, այլեւ գործընկեր կազմակերպությունների կողմից։
Ինչպես հայտնեց «The Muse» ապրանքանիշի հիմնադիր եւ դիզայներ Մանե Խաչատրյանը, միջոցառման նպատակն է ոչ միայն ամփոփել «ոճային» տարին, այլեւ գեղեցկացնել ինչ-որ մեկի Նոր տարին բարի գործով։
«Ինչպես տեսնում եք, Sparkle night-ի շրջանակներում գործում է բացառիկ հավաքածուի ցուցադրություն-վաճառք, որի զգեստները չեն կրկնվելու։ Հագուստի եւ Fashiondrug-ի աքսեսուարների վաճառքից հավաքված գումարի մի մասը կուղղենք բարեգործական կազմակերպությանը՝ գեղեցկացնելով մարդկանց Նոր տարին, ովքեր հրաշքի են սպասում…»,- նշեց Մանեն։
Fashiondrug-ի հիմնադիր եւ դեմք Անահիտ Ղազարյանը երեկոյի շրջանակներում ներկայացրեց բացառիկ աքսեսուարների հավաքածուն, որը ստացել է «50 shades of red» անվանումը եւ նախատեսված է ոճայի ու ինքնավստահ աղջիկների համար։
«Այս տոնական մթնոլորտում ցանկանում եք շնորհակալություն հայտնել մեր ընկերներին եւ հաճախորդներին, ովքեր մեզ հետ են եղել ամբողջ տարվա ընթացքում եւ ընտրել են մեր արտադրանքը»,- ասել է Անահիտը։
