Ադութ Ակեչը՝ տարվա մոդել եւ «երկրորդ Նաոմի Քեմփբելը»

Այս 18-ամյա էկզոտիկ աղջիկը ըստ  Models.com հեղինակավոր կայքի ճանաչվել է տարվա լավագույն մոդել։ Ադութ Ակեչ են անվանում ավստրալուհուն, որը արմատներով հարավսուդացի է։ Նրա օգտին քվեարկել է ժյուրիի անդամների մեծամասնությունը, որը ներառում է նորաձեւության աշխարհի 250 պրոֆեսիոնալների։

Աղջկան արդեն հասցրել են անվանել «երկրորդ նաոմի Քեմփբել»։ Ադութ Ակեչը ծնվել է Հարավային Սուդանում, մինչեւ վեց տարեկան հասակն ապրել է Քենիայում, իսկ հետո ընտանիքի հետ տեղափոխվել է Ավստրալիա։ 12 տարեկանում նա ստիպված է եղել մոդելային գործունեությունը թողել է երեք տարով։ Տասնվեց տարեկանում Ադութն իրականացրել է իր առաջին շոուն Saint Laurent-ի համար։

Ադութ Ակեչը պատմության մեջ երկրորդ սեւամորթ մեդոլն է, որը դարձել է «Chanel-ի հարսնացու»՝ ուղեկցելով Կառլ Լագերֆելդին։ Նա նաեւ Pirelli-2019 օրացույցի հերոսուհիներից մեկն է։

Ադութ Ակեչին պատահական չեն համեմատում Նաոմիի հետ։ Աղջիկը Քեմփբելի մեծ երկրպագուն է եւ նույնիսկ նրան իր «երկրորդ մայր է» անվանում։ «Մենք ծանոթացել ենք Pirelli-ի օրացույցի նկարահանումների ժամանակ եւ ես նույնիսկ չէի կարող պատկերացնել, որ մենք կընկերանանք։ Իսկ այժմ ես հաճախ եմ նրանից ստանում հաղորդագրություններ․«Հեյ, փոքրիկ, ինչպե՞ս ես։ Հաց կերե՞լ ես։ Քնե՞լ ես»»։

Ադութ Ակեչը երազում է Հարավային Սուդանում բացել իր մոդելային գործակալությունը։ «Դուք նույնիսկ չեք պատկերացնում, թե որքան գեղեցիկ սեւամորթ աղջիկներ կան Աֆրիկայում, որոնք չեն կարող մոդել դառնալ, միայն նրա համար, որ նրանք ծանոթություն եւ կապեր չունեն»։