Ռիտա Դակոտան Բալիում է հայտնվել նախկին ամուսնու եւ նրա նոր սիրելիի հետ
10:11 8 հունվարի, 2019Ռիտա Դակոտան, ով վերջերս վերապրել է ամուսնու դավաճանությունը եւ հանդես եկել ամանորյա համերգներով, հանգստի է մեկնել Բալի։ Երգչուհու հետ կղզում հանգստանում են նաեւ նրա նախկին ամուսին Վլադ Սոկոլովսկին նոր ընտրյալի՝ Նատալյա Սուլյանովայի հետ։ Վերջինիս հետ Սոկոլովսկին սիրավեպ է սկսել անցյալ տարվա աշնանը։
Ռիտա Դակոտայի հետ հանգստի է մեկնել նաեւ նրա 1-ամյա դուստրը՝ Միան։ Իր վերջին հրապարակումներից մեկում Դակոտան հետեւորդներին հայտնել է, որ վերջին ամիսների ընթացքում կեղծ պահվածք է դրսեւորել։
«Խորասուզվելով իրադարձությունների էության մեջ՝ ես հասկացա, որ շատ քայլեր եմ արել՝ վախենալով չկարողանալ գումար վաստակել բնակարանի համար մեծ ծախսերը հոգալու, Միայի, երաժշտական կոլեկտիվի, բարեգործական ծրագրերի համար, որոնք ես ֆինանսավորում եմ։ Իմ դեպքում վախենալը նորմալ է, իսկ «վաճառվող կերպար» ստանալու համար քեզ կոտրելն ինձ համար չէ։ Իրավիճակը վատթարացրեց ծաղրի առարկա դառնալու վախը, վախը խոսակցություններից՝ «հոգնեցրել է տրտնջալով», եւ ես երջանիկ ու ուժեղ կնոջ դիմակ հագա, ով լի է դրական էներգիայով»,- Instagram-ում գրել է Դակոտան։
Թեեւ երգչուհին փորձել է ձեւացնել, սակայն մինչ այժմ տանջվում է ամուսնու դավաճանության պատճառով։ Նա հայտարարել է, որ որոշ ժամանակով կհրաժարվի սոցիալական ցանցերից՝ իրեն ու խնդիրներին ականջալուր լինելու համար։ Ի դեպ, Դակոտան ակնարկել է, որ մինչ այժմ սպասում է Սոկոլովսկու ներողությանը։ Հուսանք՝ դա տեղի կունենա Մոսկվայում, եւ նրանք Բալիում չեն հանդիպի։