2019-ի նորույթներ. սերիալներ, որոնք արժե դիտել (մաս երկրորդ)

20:33   9 հունվարի, 2019

Մենք արդեն պատմել ենք 2019 թվականի երեք նորույթ-սերիալների մասին:

Հիմա NEWS.am STYLE-ը ձեր ուշադրությանն է ներկայացնում սերիալների երկրորդ եռյակը, որոնք այս տարի արժանի են դիտվելու:

«Մանդալորցին»

«Աստղային պատերազմների» երկրպագուները կարող են հրճվել: Այս տարի մեկնարկում է հեռավոր Տիեզերքից առաջին խաղային սերիալը: Նախագիծը կպատմի Մանդալոր մոլորակից վարձկանի մասին, որը գոյատեւում է բնակեցված գալակտիկայի ծայրամասում, որտեղ չեն գործում քաղաքակիրթ մոլորակների ո՛չ կանոնները, ո՛չ օրենքները: Գործողությունները ծավալվում են Գալակտիկական կայսրության անկումից հետո, այսինքն՝ ջեդայների մասին սագայի վեցերորդ մասից հետո:

Գլխավոր դերում կփայլի «Գահերի խաղից» բոլորին հայտնի կարմիր օձը՝ Պեդրո Պասկալը: Սերիալի կուրատորն է կինոտիեզերքի կնքահայր Մարվել Ջոն Ֆավրոն, իսկ ռեժիսորների թվում է Տայկա Վայտիտին: Կարծում եմ՝ մեզ սպասում է մի այլ տեսարան, նախագիծը պետք է մեկնարկի, հավանաբար, տարեվերջին Disney+ սթրիմ-ծառայությունում:

«Տղաները»

Պատկերացրեք գերհերոսներով աշխարհը, որոնք հանդես են գալիս ոչ թե շաբլոնային փրկիչների կերպարով, այլ ռոք աստղերի՝ այս բառի ամենավատ իմաստով. սեքս, թմրանյութեր, ալկոհոլամոլություն եւ անվայելուչ պահվածք. ահա թե Amazon ծառայությունում մեզ ինչ ցույց կտան «Տղաները»: Գերհերոսներին զգայունության վերադարձնելու համար, որոնց ոչինչ չի հուզում, բացի «Ինսթագրամում» լայքերից, ԿՀՎ-ն հատուկ բաժին է ստեղծում, որը եւ հղփացած գերհերոսների մեջ զգացմունքներ է արթնացնելու:

Հեղինակները խոստանում են առատ սեւ հումոր եւ ներկայումս տարածված թեմաներով կատակների հատընտիր: Շոուի համար պատասխանատու է Սեթ Ռոգենը եւ Իվեն Գոլդբերգը, իսկ գլխավոր դերերից մեկի համար ընտրել են հանրահայտ Կառլ Ուրբանին:

«Վեդմակ»

Այս տարի Netflix-ը մեզ կուրախացնի ամենասպասված նախագծերից մեկով: Եթե գրող Անջեյ Սապկովսկու անունը ձեզ գոնե ինչ-որ բան ասում է, ապա հազիվ թե լսած չլինեք «Վեդմակ» խաղի մասին, որը հիմված է գրողի վեպերի վրա: Սերիալը կպատմի Գերալտ վեդմակի մասին, որն աշխարհում իր տեղն է փնտրում, որտեղ ապրում են սարսափելի արարածներ, ճիվաղներ եւ մարդիկ, որոնք հրեշներից այնքան էլ չեն տարբերվում:

Էկրանավորումն ավելի մոտ է խաղին, քան վեպերին, կարծում եմ՝ սա գեյմերներին ուրախություն կպատճառի: Հեղինակները, միաժամանակ, խոստանում են, որ սովորական հանդիսատեսն էլ հիացած կլինի. գունագեղ եւ դաժան աշխարհ, ոչ միանշանակ հերոսներ եւ լիակատար խորասուզում: Գլխավոր դերը ստանձնել է մեր ժամանակակից Սուպերմենը՝ Հենրի Քավիլը: Լուրեր են տարածվել, որ Քավիլը հանուն Վեդմակի դերի անգամ հրաժարվել է Կրիպտոնի վերջին որդու թիկնոցից:

Ահա այսպիսի մանրամասներ: Վստահ ենք, որ այս տարի դեռ կլինեն շատ այլ նորույթ սերիալներ, որոնք ձեզ հոգեհարազատ կլինեն, եւ մենք անպայման ձեզ իրադարձություններին տեղյակ կպահենք:

Հաճելի դիտում
Նորայր Նազարյան



© NEWS.am STYLE