Արքայազն Հարրին եւ Մեգան Մարքլն աստղերի համար գաղտնի երեկոներ են կազմակերպում. հյուրերի մեջ են Ալեքսիս Օհանյանն եւ նրա տիկինը

Մեգան Մարքլը եւ նրա ամուսինը՝ արքայան Հարրին, բավական արագ տեմպերով վերանագորում են Վինձորում գտնվող առանձնատունը, ուր կտեղափոխվեն առաջնեկի ծնունդից հետո։ Այսօր հայտնի է դարձել, որ վերանորոգումն առաջնակարգ հանգստից հրաժարվելու պատճառ չէ։

The DailyMail-ի տվյալներով՝ Հարրին եւ Մեգանը այժմ ժամանակ են անցկացնում Օքսֆորդշիրում գտնվող Քոթսուոլդ վայրում։ Ըստ տարածված տեղեկությունների՝ զույգը տունը վարձակելել է երկու տարով՝ 2018թ.-ի մայիսին կայացած ամուսնական արարողությունից առաջ։

Վայրը, որի լուսանկարները հրապարակել է լրատվամիջոցը, 2,5 մլն ֆունտ-ստերլինգ արժե։ Պարզվում է՝ զույգը սիրում է այստեղ հանգստանալ աստղային ընկերների հետ՝ Ամալ եւ Ջորջ Քլունիներ, Պրիյանկա Չոպրա, Սերենա Ուիլիամսն ու Ալեքսիս Օհանյանը ու այլք։ Այստեղ հանգստացել է նաեւ դքսուհու մայրը՝ Դորիա Ռագլանդը, ով ԱՄՆ-ից Բրիտանիա էր եկել արձակուրդներն անցկացնելու համար, սակայն, ըստ լուրերի, կարող է մնալ, մինչեւ դստեր ծննդաբերությունը։ Հնարավոր է՝ նա կօգնի խնամել նաեւ թոռնիկին։

Քոթսուոլդ վայրը 2011թ.-ին վերակառուցվել է եւ վերանորոգվել։ Հիմնական տանը երեք ննջանսենյակ կա, որոնցից մեկը ձեւափոխված է զգեստապահարանի։ Դրա կողքին կա եւս մեկ շինություն, որը ներառում է երկու խոհանոց, շքեղ սենյակներ հյուրերի համար։ Տարածքում եւս մեկ քոթեջ է տեղավորված, ուր հյուրերի համար երկու սենյակ է նախատեսված։

Մեգանը պաշտում է այդ տարածքը։ Նա եւ Հարրին սիրում են զբոսնել շների հետ, հաճախ են ընկերներին հրավիրում։ Ըստ լուրերի՝ Մեգանի համար դժվար է հրաժարվել միջոցառումներից եւ աստղերի հետ երեկոներից, այդ պատճառով նրա համար նման միջոցառումներ կազմակերպվում են բրիտանացի հարկատուների աչքից հեռու։

Աղբյուրը՝ The Daily Mail

Լուսանկարները՝ Daily Mail, Shutterstock