Հայազգի Քիմ Քարդաշյանը նախընտրում է դիզայներական թանկ իրեր նվիրել եւ ստանալ։ Ընդ որում, խոսքը վերաբերում է նաեւ ընտանիքի փոքրիկ անդամներին։ Ռեալիթի շոուի աստղը Instagram-ի Stories բաժնում կիսվել է Louis Vuitton ապրանքանիշի պայուսակների լուսանկարներով, որոնցից յուրաքանչյուրի արժեքը կազմում է 1100 դոլար։
Դիզայներական պայուսակները Քիմը գնել է բոլոր քույերի դուստրերի, այդ թվում փոքրիկ Սթորմիի եւ Թրուի համար։ Ի դեպ, վերջերս Սթորմին մայրիկից՝ Քայլի Ջեններից, ոչ պակաս տպավորիչ նվերներ էր ստացել՝ Ferrari եւ Lamborghini ապրանքանիշերի փոքրիկ մեքենաներ։
Հիշեցնենք՝ օրերս հայտնի է դարձել, որ Քիմ Քարդաշյանը եւ Քանյե Ուեսթը պատրաստվում են չորրոդ անգամ ծնողներ դառնալ։ Երեխային կկրի եւ լույս աշխարհ կբերի փոխնակ մայրը։
Աղբյուրը՝ Graziamagazine