Մանկապղծության մեջ մեղադրվող Ար Քելլիի դուստրը նրան «հրեշ» է անվանել

«I Believe I Can Fly» երգի հեղինակ, 57-ամյա Ար Քելլիին (Ռոբերտ Սիլվեր Քելլի) մանկապղծության մեջ մեղադրելուց հետո նրա վրա «հարձակվել են» ոչ միայն կոլեգաները, այլեւ ընտանիքի անդամները։  

Independent-ի հետ զրույցում երաժիշտի դուստրը՝ Ջոան Քելլին (Բուկու Աբի), ով արդեն մի քանի շարունակ չի շփվում նրա հետ, հորը «հրեշ» է անվանել։ Նա ակամայից հաստատել է մեղադրանքները՝ նշելով, որ չէր կարող չիմանալ՝ ով է այդ մարդը, եթե մեծացել է նրա տանը։ Քելլի խոսքով՝ ինքը «բարոյալքված է» եւ մշտապես աղոթում է իր հոր զոհերի համար։

Հրատարակությունը հայտնել է, որ Մայամիում ապրող Ջոանի խոսքերը հնչել են այն բանից հետո, երբ Lifetime-ով հեռարձակվել է «Surviving R. Kelly» վավերագրական ֆիլմը, որի ընթացքում կանայք պատմում էին երգչի հետ իրենց հարաբերությունների մասին, որոնք մեծամասամբ բաղկացած են եղել ծաղրանքից ու սեռական բռնությունից։

Ֆիլմի ցուցադրությունից հետո երաժիշտի իրավաբանները հայտարարությամբ են հանդես եկել՝ նշելով, որ ցուցադրվածն ամբողջությամբ հորինված է։ Բուկուի մայրը՝ Անդրեան, Քելլի հետ ամուսնացել է 1997թ.-ին, իսկ 2009թ.-ին ամուսնալուծվել է այն բանից հետո, երբ երգչին մեղադրել են մանկական պոռնոգրաֆիա պատրաստելու համար։ Սակայն դատարանը նրան մեղավոր չէր ճանաչել։

Ավելի վաղ հաղորդվել է, որ Քանյե Ուեսթը «թաքնված կերպով» պաշտպանել էր Ար Քելլիւն՝ նշելով, որ ստեղծագործող մարդկանց խենթությունները կարելի է ներել։ Սական երկրպագուների դժգոհությունից հետո նրա կինը՝ Քիմ Քարդաշյանը, իր միկրոբոլոգում հայտարարել է, որ ռեփերն ի նկատի չի ունեցել երգչին, ով հայտնվել է սկանդալի կենտրոնում։

Ռոբերտ Սիլվեր Քելլին ծնվել է 1967թ.-ի հունվարի 8-ին Չիկագոյում։ Ար Քելլին հայտնի է իր սինգլներով, որոնք հայտնվել են ԱՄՆ-ի թոփ 40-նների շարքում։ Նա երեք «Գրեմմմի» մրցանակակիր է։ 1998թ.-ին մրցանակի է արժանացել ֆիլմի լավագույն երաժշտություն անվանակարգում՝ «I Believe I Can Fly» երգի համար։