«Դոմ 2»-ի սկանդալային մասնակիցը Բելառուսը կներկայացնի՞ «Եվրատեսիլ»-ում
19:11 17 հունվարի, 2019«Դոմ 2» նախագծի մասնակից Արտյոմ Սորոկան խոստովանել է, որ կարող է Բելառուսի անունից ելույթ ունենալ «Եվրատեսիլ» միջազգային երաժշտական մրցույթում։ Նա նախագծի մեկ այլ մասնակցի՝ Վիտալի Վորոնկոյի հետ երգ է գրել հատուկ մրցույթի համար։
Սեյշելներում, ուր գտնվում է «Դոմ 2»-ի հրապարակներից մեկը, Արտյոմը Վիտալի Բորոնկոյի հետ կարտոֆիլի մասին երգ է գրել, որը ստացել է «Potato aka Бульба» անվանումը։ Նա երգը միանգամից ներկայացրել է Սիրո կղզու բնակիչներին, Սաշա Չերնոյի եւ Իոսիֆ Օգանեսյանի հարսանիքին, հետագայում՝ նախագահ Ալեքսանդր Լուկաշենկոյի հետ հանդիպման ընթացքում։
«Մենք ունենք երկիրը ներկայացնելու բոլոր հնարավորությունները։ Ազգային ընտրության եզրափակչում հաստատ կլինենք։ Վիտալիկն այն արդեն կատարել է Լուկաշենկոյի փակ հանդիպմանը։ Այն միասին ենք գրել. կղզում նստել էին, գրում էինք բառեր, մեղեդի… կարտոֆիլի մասին լավ երգ ստացվեց։ Միասին ենք դրան հասել։ Դա ալիք էր, որը ողեղեց մեզ, հետո՝ ամբողջ կղզին»,- Dom2Life.ru-ի հետ զրույցում խոստովանել է Արտյոմը։
Առայժմ նրանք չեն ցանկանում հանուն «Եվրատեիսլի» զոհել սկանդալային նախագիծը։ «Հանուն «Եվրատեսելի» չեմ պատրաստվում լքել նախագիծը։ Ինձ պարզապես հարկավոր է զարգանալ։ Այդ հնարավորությունը ոչ բոլորին է տրվում։ Վիտալիկը երեք անգամ փորձել է։ Ինձ եւս առաջարկել են, բայց ես վախենում էի, որ չեմ կարողանա։ Միասին մենք գլուխ կհանենք»,- վստահորեն ասել է Սորոկան։