«Դատավճիռ»՝ Քեյթ Միդլթոնին. ինչ չեն կարողանում ներել Ուիլիամի կնոջը

Արքայազն Ուիլիամի կինը ոչինչ չունի՞ կրելու համար։ Այդ դեպքում ինչո՞ւ է նա որոշել կրկնել երկու տարի առաջվա իր կերպարը Լոնդոնում Քովենթ Գարդեն թագավորական թատրոն այցելելիս, հաղորդում է Daily Mail-ը։

Դքսուհին այցելել է արտադրամաս՝ հետաքրքրություն ցուցաբերելով տեքստիլի եւ տարբեր թելերի օգտագործման նկատմամբ։ Նրան նաեւ հետաքրքրել է՝ ինչպես են ստեղծվում թատրոնի կոստյումները։

«Ի տարբերություն վերջին անգամ Իսլինգթոնի հանրային այգի այցելության, ուր Միդլթոնը հայտնվել էր ոչ պաշտոնական եւ զուսպ կերպարում, այս անգամ նա ընտրել էր բավական վառ եւ ոճային հագուստ։ 37-ամյա դքսուհին փայլել է Oscar de la Renta-ի ժակետով եւ շրջազգեստով, սեւ բարձրակրունկներով, որոնք զարդարված էին Rupert Sanderson-ի բրոշով»,- ասված է հաղորդագրությունում։

Այցի ընթացքում նա հանդիպել է թատրոնի դերձակների հետ, ովքեր աշխատում են նոր բեմադրությունների վրա, հանդիպել բալետի գլխավոր արտիստների հետ, ապա մասնակցել «Երկու աղավնիների» փորձին։

Դքսուհին նույն հագուստով երկու տարի առաջ մասնակցել է կոնֆերանսի, որը նվիրված էր հոգեկան առողջությանը։ Նորաձեւության հետեւորդներն այդպես էլ չեն կարողանում ներել դա. ոճի «կուռքին» վայել չէ նույն հագուստով երկու անգամ ներկայանալ հանրությանը։

Հնարավոր է՝ նա դրանով ցանկացել է  վիրավորել Մեգան Մարքլին, ում մեղադրում են դիզայներական հագուստ գնելու համար չափազանց շատ միջոցներ վատնելու մեջ։

Աղբյուրը՝ AP, Getty, Hello