Երգչուհի Պոլինա Գագարինան, ով Նոր տարվանից հետո հանգստի է մեկնել, Instagram-ի էջում տեսանյութ է հրապարակել, որում պատկերված է՝ ինչպես է երգչուհին «շնաձկան» զոհ դարձել։ Հոլովակում նա լողում է եւ կատարում իր «Обезоружена» երգը։
Նա հանկարծակի տեսնում է «շնաձկան» լողաթեւը եւ օգնության մասին կանչերով փորձում փրկվել գիշատչից։ Արդյունքում երգչուհին մնացել է առանց լողազգեստի վերին հատվածի։ Միայն թե շուտով պարզ է դառնում, որ «շնաձկան» դերում նրա ամուսինն է՝ լուսանկարիչ Դմիտրի Իսխակովը։ Նա չարախնդում է՝ ձեռքում բռնած խաղալիք լողաթեւը։
View this post on Instagram
Գագարինան ամուսնու հետ սկզբնական շրջանում հանգստանում էր Մալդիվներում, իսկ այժմ, արտիստի խոսքով, նրանք գտնվում են «աշխարհի մյուս ծայրում»։ Երգչուհին հետեւորդներին խնդրել է գուշակել՝ որտեղ է անցկացնում հանգիստը։ Շատերը ենթադրել են, որ երգչուհին ամուսնու հետ հանգստանում է Նիցցայում։
Ավելի վաղ հայտնի է դարձել, որ Պոլինա Գագարինան եւ Դիմա Բիլանը խարդախների զոհ են դարձել։ Նրանց երկրպագուներին հրավիրել են նկարահանվել երգիչների հոլովակում, սակայն ինչպես պարզվել է, խարդախները փորձել են գումար վաստակել աստղերի անվան շնորհիվ։
Աղբյուրը՝ Cosmo