«Սամբուրսկայան սիրտ չունի». նոր մանրամասներ դերասան Գոլովինի անվան հետ կապված սկանդալից

«Универ»-ի աստղ Նաստասյա Սամբուրսկայան ժամանակին օգնել է Ալեքսանդր Գոլովինի նախկին ընկերուհուն եւ նրա արտամուսնական կապից կծված երեխայի մորը։ Դերասանուհին երիտասարդ մայրիկին՝ Սվետլանա Բելոգուրովային, առաջարկել էր ապրել իր բնակարանում, ինչպես նաեւ յուրաքանչյուր ամիս նրան 30 հազար ռուբլի էր տվել։ Սամբուրսկայան միայն մեկ պահանջ էր ներկայացրել Սվետլանային՝ նա հեռուստաեթերում չպետք է հայտնվեր եւ չպետք է պատմեր Գոլովինի հետ սիրավեպի մասին։

Սակայն Բելոգուրովան դիմել է ամուսնալուծության հարցերով զբաղվող ամենասկանդալային իրավաբանին՝ Կատյա Գորդոնին, եւ հանրությանը հասանելի է դարձել Ալեքսանդրի անվան հետ կապված պատմությունը։ Դա զայրացրել է Սամբուրսկայային, եւ նա սոցիալական ցանցի միջոցով Սվետլանային խնդրել է լքել իր բնակարանը։

«Սամբուրսկայան սիրտ չունի»,- վիրավորված Բելոգուրովան պատմել է StarHit-ին։ «Ո՞վ է նրան իրավունք տվել առանց իմ իմացության հրապարակել երեխայիս լուսանկարը։ Երեխան դեռ շատ փոքրիկ է։ Նաստասյան հրապարակում է ոչ միայն դստերս լուսանկարը, այլեւ բացասական մեկնաբանություններ գրում, ամեն բան գլխիվայր շրջում։ Ինչպե՞ս կարելի է։ Եվ արդյոք նորմալ հոգեբանական վիճակում գտնվող մարդը կարո՞ղ է հեռացնել զուգարանակոնքը, երբ մենք տանը չենք։ Ուզում եմ ասել, որ տանն ամեն բան մաքուր է։ Ես չեմ հասկանում՝ ինչու է նա մեր դեմ կռվի դուրս եկել»,- եզրափակել է Բելոգուրովան։

Սվետլանան արդեն երկրորդ անգամ է մասնակցում «Пусть говорят» հեռուստահաղորդմանը, որի ընթացքում քննարկել է Նաստասյային։ Սամբորսկայան երկար չի մտածել եւ սկանդալային հայտարարություն է արել։

«Բեղմնավորումը տեղի է ունեցել թմրամիջոցների ազդեցության տակ։ Սվետա, եթե «հանուն ճշմարտության պայքարող մարտիկ ես», մինչեւ վերջ պատմիր՝ ինչու է Սաշան ի սկզբանե հրաժարվել այդպիսի մորից երեխա ունենալ»,- Instagram-ում գրել է նա։

Բացի դրանից՝ Նաստասյա Սամբուրսկայան նշել է, որ Առաջին ալիքի թոք-շոուին մասնակցելու համար իրեն առաջարկել են 1 մլն ռուբլին հոնորար, սակայն նա սկզբունքային մոտեցում է ցուցաբերել ու չի ցանկացել հեռուստաեթերում հայտնվել գումարի դիմաց։ Երեխայի հայրիկը՝ դերասան Ալեքսանդր Գոլովինը, դեռեւս չեզոք դիրք է զբաղեցնում։