Ինչպիսի են սուրճ ըմպում աշխարհի տարբեր երկրներում

11:08   26 հունվարի, 2019

Ամբողջ աշխարհում մարդիկ ամեն առավոտ կատարում են միեւնույն եւ ընդունված ծիսակարգը․ արթնանալով ըմպում են մեկ բաժակ կազդուրող սուրճ։ Սակայն, ամենահայտնի ըմպելիքի պատրաստման տարբերակներն ու բաղադրիչները ամեն երկրում յուրահատուկ են։ Այսօր մենք կբացահայտենք, թե ինչպես են սուրճ ընպում աշխարհի տարբեր երկրներում։

Kaffeost՝ Ֆինլանդիա

Ֆիննական սուրճը՝ Kaffeost-ը մատուցվում է պանրի կտորներով, որոնք կոչվում են juustoleipä։ Այնքան էլ ախորժելի չի հնչում, սակայն ֆինները պաշտում են անսովոր համադրությունները։

Frappé՝ Հունաստան

Ամբողջ աշխարհի կողմից սիրված Frappé-ն, այսպես է կոչվում հունական սուրճը, ստեղծվել է 1957թ․-ին՝ Nescafé ընկերության ներկայացուցիչների կողմից։ Ֆրապեն գրավել է հույների սրտերը եւ դարձել ամռան ամենահայտնի ըմպելիքը։Դրա պատրաստման եղանակը բավականին դյուրին է։ Արագ լուծվող սուրճը խառնում եք կաթի հետ եւ ավելացնում եք սառույցի կտորներ։

Café de Olla՝ Մեքսիկա

Մարմանդ կրակի վրա դարչինի հետ եփված սուրճը մատուցվում է եղեգնաշաքարի կտորներով եւ կավե բաժակով։ Տեղացիները գտնում են, որ կավե բաժակը թույլ է տալիս, որպեսզի սուրճի բարմունքն ավելի լավ բացվի։

Cafe Bombon՝ Իսպանիա

Cafe Bombon-ը հաստատ դուր կգա քաղցրկերներին։ Պատրաստման համար օգտագործվում է խտացրած կաթ եւ սեւ սուրճ։

Wiener Mélange՝ Ավստրիա

Կապուչինոյի մոտ ընկերը՝ ավստրալական սուրճը, էսպրեսոն է, որին ավելացնում են տաք կաթ եւ կաթի փրփուր, որը մատուցվում է կակաոյի փոշով։

Café au lai՝ Ֆրանսիա

Ֆրանսիացիները սիրում են իրենց օրը սկսել թարմ պատրաստված սեւ սուրճով, որին ավելացնում են նույն չափաբաժնով կաթ։ Գլխավոր գաղտնիքը՝ մեծ բաժակն է, որի մեջ հեշտ է թաթախել թարմ կրուասանը։

Qahwa՝ Սաուդյան Արաբիա

Սաուդյան Արաբիայում եւ այլ արաբական երկրներում սուրճը պատրաստվում է մի շարք համեմունքներով՝ հիլ, դարչին, մեխակ, շաֆրան եւ կոճապղպեղ։ Սուրճի համը մեղմելու համար այն մատուցվում է չորացրած արմավով։



© NEWS.am STYLE