Dolce & Gabbana-ն կործանել է ասիացի մոդելի կարիերան
18:06 25 հունվարի, 2019Իտալական Dolce & Gabbana նորաձեւության տան սկանդալային հոլովակի հրապարակումից ավելի քան երկու ամիս է անցել, սակայն կրքերը մինչ այժմ չեն հանդարտվում։
Մոդել Զուո Են, ով նկարահանվել է չինացիներին վիրավորած գովազդային արշավում, ներողություն է խնդրել, հայտնում է Asia One-ը։ Նա խոստովանել է, որ նկարահանումների ընթացքում բավարար ուշադրություն չի դարձրել հոլովակի բովանդակությանը, սակայն շատ է ամաչում։
«Ես երբեք անհարգալից վերաբերմունք չեմ ցուցաբերել հայրենիքիս հանդեպ։ Ես սիրում եմ հայրենիքս, հպարտանում եմ, որ կարող եմ Չինաստանը ներկայացնել պոդիումի վրա։ Ես այս իրավիճակից դաս կքաղեմ եւ անպայման Չինաստանը լավագույն լույսի ներքո կներկայացնել»,- պատմել է մոդելը՝ հավելելով, որ գովազդն ամբողջությամբ կործանել է իր կարիերան։
Զոու Են նաեւ հարձակման է ենթարկվել սոցիալական ցանցերում։ Օգտատերերը մեղադրում էին, որ նա գումար է աշխատում՝ պղծելով հայրենիքն ու ազգը։
2018թ.-ի նոյեմբերիմ Դոլչեն եւ Գաբբանան հայտնվեցին տհաճ պատմության մեջ։ Նոյեմբերի 21-ին Շանհայում պետք է տեղի ունենար ապրանքանիշի ցուցադրությունը, սակայն շոուն տեղի չի ունեցել, քանի որ պրոմոգովազդը վիրավորել է չինացիներին։ Իտալացի դիզայներները Weibo-ի (Չինաստանի ամենահայտնի կայքերից մեկը) իրենց էջում երեք թեմատիկ տեսանյութ էին հրապարակել, որոնք վերաբերում էին փայտիկներով ուտելուն։
Հոլովակներում չինուհի մոդելները բացատրում են՝ ինչպես փայտիկների օգնությամբ իտալական կերակուր ուտել, ինչը հերթական սկանդալի առիթ էր դարձել։ Դոմենիկո Դոլչեն եւ Ստեֆանո Գաբբանան ներողություն էին խնդրել Չինաստանում Dolce&Gabbana ապրանքանիշը ռասիզմի եւ սեքսիզմի մեջ մեղադրելուց հետո։ Տեսանյութը տեղադրվել էր վերը հիշատակված կայքում։
Լուսանկարները՝ Sky News, Daily Mail, USA Today