Ռեփեր The Game-ը պատմել է Քիմ Քարդաշյանի հետ սեռական հարաբերությունների մասին եւ ներողություն խնդրել Քանյե Ուեսթից
10:16 26 հունվարի, 201939-ամյա հիփ-հոփ կատարող Ջեյզիոն Թեյլորը, նույն ինքը՝ ռեփեր The Game-ը երկրպագուների դատին նոր ստեղծագործություն է ներկայացրել, որում խոսել է Քիմ Քարդաշյանի հետ սեռական հարաբերությունների մասին։ Ռեփերն աշխարհին հայտնել է, որ քնել է ռեալիթի շոուի աստղի հետ եւ հարկ է համարել ներողություն խնդրել նրա ամուսնուց՝ Քանյե Ուեսթից։
Քիմի եւ Քանյեի երկրպագուները հիշում են, որ սա առաջին անգամը չէ, որ ռեփերը փորձում է նման լուրեր տարածել։ 2016թ․-ին նա հայտարարել էր, որ աստղային ընտանիքի երեք ներկայացուցիչների հետ ինտիմ կապ է ունեցել՝ Քիմի, Քլոեի եւ Ռոբ Քարդաշյանի նախկին ընկերուհու՝ Բլեք Չայնայի հետ։
2018թ․-ին The Game-ը հրապարակային հայտարարել էր, որ Քիմը կարող է դառնալ ԱՄՆ հաջորդ նախագահը եւ խորհուրդ է տվել բաց չթողնել այդ հնարավորությունը։
Ռեփերի աղմկոտ հայտարարության վերաբերյալ Քիմ Քարդաշյանն ու Քանյե Ուեսթը դեռ որեւէ մեկնաբանությամբ հանդես չեն եկել։
Աղբյուրը՝ People
Լուսանկարը՝ Getty