Մարիամ Մելիքյանն ամուսնու գրկից լուսանկար է հրապարակել

Հայտնի հայուհիներից «Instagram-ի թագուհի» կարելի է համարձակորեն անվանել Թուրքիայում բնակվող, տարբեր սիթքոմներից հանրությանը հայտնի դերասանուհի, մոդել Մարիամ Մելիքյանին: Նրա Instagram-ի էջը պարզապես ողողված է հրապուրիչ լուսանկարներով, գայթակղիչ կադրերով, որոնք հիմնականում ներկայացնում են նրա հագեցած ու զվարճանքներով լի առօրյան:

Մարիամ Մելիքյանը միկրոբլոգի իր էջում նոր լուսանկար է հրապարակել, որում նստած է ամուսնու գոգին։ Մարիամի ու նրա ամուսնու հայացքներն ուղղված են միմյանց։ Երիտասարդ դերասանուհին շքեղ անսամբլով է, իսկ լուսանկարին կից նա կատարել է ռուսալեզու հետեւյալ գրառումը․ «Ինչ էլ տաս կնոջը, միեւնույն է նա քեզ ավելին է տալիս։ Դու քեզ կտաս, նա՝ երեխա։ Տուն կսարքես, նա՝ հարմարավետություն։ Կապահովես մթերքով, նա՝ համեղ ընթրիքով։ Կնվիրես ժպիտ, նա՝ իր սիրտը»։

Մարիամ Մելիքյանն ավելի վաղ լուսանկար էր հրապարակել, որում իր էջի հետեւորդ-երկրպագուներին ներկայացել էր վառ դիմահարդարմամբ, շքեղ, մարմնագույն անսամբլով։