Հազարավոր վարդեր, նվագախումբ եւ մատանի բեռնատարում. հայտնիների ռոմանտիկ քայլերը հանուն սիրո

Հայտնի տղամարդկանց ռոմանտիկ անակնկալները սիրելի կանանց։

Քանյե Ուեսթն առաջարկություն անելու համար մարզադաշտ էր վարձակալել

Ռեփեր Քանյե Ուեսթը Քիմ Քարդաշյանին առաջարկություն է արել 2013թ.-ին նրա ծննդյան օրը՝ հոկտեմբերի 21-ին։ Քանյեն մարզադաշտ էր վարձակալել, հրավիրել նվագախումբ եւ Քիմի ընտանիքին եւ սիրելիին 15 կարատ քաշով ադամանդե մատանի նվիրել։ Մատանու հեղինակը Lorraine Schwartz ապրանքանիշն է։ Ցուցատախտակին գրված էր՝ «Խնդրում եմ, ամուսնացիր ինձ հետ»։

Բեն Աֆլեքը նշանադրության մատանին թաքցրել էր բեռնատար մեքենայում

Բեն Աֆլեքը եւ Ջենիֆեր Գարներն առաջին անգամ հանդիպել են 2001թ.-ին ֆիլմի նկարահանման ընթացքում, սակայն սկսել են հանդիպել միայն 2004թ.-ին, երբ Աֆլեքը բաժանվեց Ջենիֆեր Լոպեսից։ Հաջորդ տարի Աֆլեքն առաջարկություն արեց Գարներին։ Սիրելիի ծննդյան 33-ամյակի երեկույթի ընթացքում ռեստորանին մոտացավ բեռնատար՝ հսկայական նվերի տուփով։ Դերասանուհին վստահ էր, որ սիրելին իրեն մեքենա է նվիրել, սակայն տուփի ներսում գտավ նաեւ ադամանդե մատանի։

Մաքսիմ Ֆադեեւն ամեն տարի մեծ թվով վարդ է նվիրում

Երաժշտական պրոդյուսեր Մաքսիմ Ֆադեեւն ամուսնական կյանքի ընթացքում՝ շուրջ 25 տարի, պահպանում է ռոմանտիկ ավանդույթը. կնոջ՝ Նատալյայի ծննդյան օրը նա 1000 վարդ է նվիրում։

Ռայան Գոսլինգը Եվա Մենդեսին շնորհակալություն հայտնեց բեմից

2017թ.-ին Գոսլինգը «Ոսկե գլոբուս» մրցանակաբաշխության ընթացքում արժանացավ «Լավագույն դերասան կատակերգության կամ մյուզիքլի ժանրում»։ Բեմ բարձրանալով՝ Ռայանը խոստովանեց, որ իր հաջողությունների համար պարտական է կնոջն ու երկու երեխաների մորը՝ դերասանուհի Եվա Մենդեսին։

«Մինչ ես երգում էի, պարում, դաշնամուր նվագում, սիրելիս մեծացնում էր մեր դստերը, հղի էր երկորդ երեխայով եւ փորձում էր եղբորն օգնել հաղթել քաղցկեղը։ Սիրելիս, շնորհակալ եմ ամեն ինչի համար»,- ասել էր Ռայա Գոսլինգը՝ մրցանակը նվիրելով Եվա Մենդեսի եղբորը, ով 2016թ.-ին մահացել է քաղցկեղից։

Աղբյուրը եւ լուսանկարները՝ Cosmo, Vanity Fair