«Մի շահիր աշխարհը՝ հոգիդ ուրանալով». 74 տարի առաջ այս օրը ծնվել է Բոբ Մառլին
15:05 6 փետրվարի, 201974 տարի առաջ այս օրը` փետրվարի 6-ին, ծնվել է ճամայկացի երաժիշտ եւ կոմպոզիտոր Բոբ Մառլին: Նա համարվում է ռեգգի ժանրի ամենահայտնի կատարողը: Հենց Բոբի շնորհիվ ռեգգին մեծ ճանաչում ձեռք բերեց եւ լայն տարածում գտավ Ճամայկայում եւ դրա սահմաններից դուրս:
Բոբ Մառլին ռաստա կոչվող կրոնական շարժման հետեւորդ էր: Շատերը նրան առաջնորդ էին համարում: Հենց իր հավատքի շնորհիվ էլ Բոբը հրաժարվեց ոտքի բութ մատի ամպուտացիայից, երբ նրա մոտ հայտնաբերեցին մելանոմա:
«Ռաստան դեմ է մարմնի որեւէ հատվածի հատմանը: Ես թույլ չեմ տա, որ ինձ մասնատեն»,-ասում էր նա:
Բոբը երկար էր բուժվում հիվանդությունից, սակայն 1981 թ-ին նա մահացավ հիվանդանոցում: Նրա վերջին խոսքերն էին. «Փողը չի կարող գնել կյանք»:
Ներկայացնում ենք աշխարհահռչակ ռեգգի երաժիշտի մտքերից եւս մի քանիսը.
«Այսօրվա ուրախ պահերը վաղվա տխրության մտքերն են դառնալու»:
«Երաժշտության գլխավոր առավելությունն այն է, որ երբ այն քեզ հարվածում է, ոչ մի ցավ չես զգում»:
«Ճշմարտությունն այն է, որ բոլորն էլ քեզ նեղացնելու են, պարզապես պետք է գտնես նրանց, որոնց համար արժե տառապել»:
«Մի շահիր աշխարհը՝ հոգիդ ուրանալով: Իմաստությունը ոսկուց եւ արծաթից թանկ է»:
«Ես կրթություն չունեմ, բայց ես ունեմ ոգեշնչում: Եթե ես ուսում ստացած լինեի, շատ ձանձրալի կլինեի»:
«Ամենապայծառ ապագայի ժամանակ էլ չմոռանաս անցյալդ»:
«Միայն մենք կարող ենք ազատել մեր մտքերը»:
«Բոբ Մառլին իմ անունը չէ, ես մինչեւ հիմա չգիտեմ իմ իրական անունը»:
«Մարդն ինքն իր տիեզերքն է»:
«Աստված է ինձ ուղարկել այս աշխարհ, Նա ուղարկել է, որ ես մի բան անեմ: Ոչ ոք ինձ չի կարող կանգնեցնել: Եթե Աստված կամենա ինձ կանգնեցնել, ես միայն այդ ժամանակ կկանգնեմ: Իսկ մարդիկ երբեք չեն կարող կանգնեցնել…»: