Մեգան Մարքլի որովայնն իրական է, եւ նա կծննդաբերի հիպնոսի ազդեցության տակ
11:14 7 փետրվարի, 2019Արքայազն Հարրի կինը՝ Մեգան Մարքլը, ինչպես հայտնի է, հրաժարվել է ծննդաբերել Սուրբ Մարիայի հիվանդանոցում, ուր լույս աշխարհը են եկել Մեծ Բրիտանիայի գլխավոր ընտանիքի մի շարք ժառանգորդներ։ Մեգանը պատրաստվում էր ծննդաբերել Ֆրայմլի Պարկ հիվանդանոցում։ Երկար վեճերից հետո վերջապես փոխզիջումային տարբերակ է գտնվել։ Մարքլը կծննդաբերի տանը, ինչպես դինաստիայի այլ անդամներ։ Իհարկե, ոչ սովարական ձեւով՝ հիպնոսի ազդեցության տակ։
Ծննդաբերության ընթացքում մայրիկին կներշնչեն, որ պրոցեսն անցավ է։ Մեգան Մարքլն առողջ ապրելակերպի կողմնակից է, նա ծնվել է յոգայի մարզիչ ընտանիքում։ Տեղեկություններ կան, որ դքսուհին փոխել է նաեւ արքայազն Հարրիի սննդակարգը, նրան ստիպել հրաժարվել ալկոհոլից։ Միայն թե նրա ամուսնուն ցանկացած բարում դեռ նկատում են՝ գարեջրի բաժակը ձեռքին։
View this post on Instagram
Ամեն դեպքում հանրությունը կասկածներ ունի «Ֆորս մաժորների» աստղի հղության հետ կապված։ Տեղեկություններ կան, որ 37-ամյա Մեգանը որովայնին հենց այնպես չէ այդքան հաճախ ձեռք տալիս։ Մարդկանց մի մասը կարծում է, որ զույգը դիմել է փոխնակ մոր ծառայությանը, իսկ որովայնը կեղծ է։ Համացանցում, սակայն, նոր տեսանյութ է տարածվել, որը կօգնի համոզվել՝ Մեգանն իսկապես հղի է։ Ամուսինները լուսանկարվում են, երբ երեխան սկսում է ակտիվորեն շարժվել։
«Տեսնում եմ՝ ինչպես է նա շարժվում, ցնցող տեսանյութ է», «Ինչ ակտիվ երեխա է», «Չեմ հասկանում՝ ինչպես մարդիկ կարող են կարծել, թե Մագանն ու Հարրին ստում են»,- մեկնաբանություններում գրել են երկրպագուները։ Շատերի համար Մարքլը լավ օրինակ է դարձել։ «Ես իսկապես հույս ունեմ, որ կկարողանամ զգալ դա։ Ես 33 տարեկան եմ, եւ անհանգստանում եմ, որ չեմ կարող երեխաներ ունենալ»,- գրում են օգտատերերը։