Ոչ միայն մարջանագույն. ինչ գույնի հագուստ կրել 2019-ին եւ ամենանորաձեւ համադրությունները

Նախորդ տարվա ավարտին Pantone հետազոտական կենտրոնը 2019թ.-ի գլխավոր գույն էր անվանել մարջանագույնը։ Գարնանը նորաձեւ կերպարներով հիացնելու համար կանանց առաջարկվում են այնպիսի գույներ, ինչպիսիք են խակի, բեժ, կարամելային. հատկապես հարկավոր է ուշադրություն դարձնել բալագույնին։ Pantone-ն այն ներառել է տարվա գլխավոր երանգների պաշտոնական ցանկում։

Celine-ը եւ Alexander Wang-ն առաջարկում են հանդուգն, կիպ եւ կարճ զգեստներ կրել, իսկ Victoria Beckham-ը եւ Balenciaga-ն, հակառակը, այդ երանգն օգտագործում են կոստյումներում, որոնք համապատասխանում են գրասենյակային աշխատանքին։ Valentino-ն եւ Oscar de la Renta-ն նոր հավաքածուներում ներկայացրել են այդ երանգի զգեստներ, իսկ Agnona-ն եը Marques'Almeida-ն՝ հարմարավետ կոմպլեկտներ։

Յուրաքանչյուրը կկարողանա առաջատար ապրանքանիշների գարուն-ամառ հավաքածուների 10 լավագույն հագուստների նման որեւէ բան գտնել։ Նորաոճ կանայք վստահաբար կսիրեն այդ գույնը. այն ցանկացած միջոցառման ընթացքում հնարավորություն կտա հիացնել հանրությանը «հագեցած» զգեստով։