Հայտնի ռեժիսոր Վուդի Ալենն իր ֆիլմերի վարձույթից հրաժարվելու համար դատական հայց է ներկայացրել Amazon Studios-ի դեմ՝ պահանջելով 68 միլիոն դոլար, հայտնում է Variety-ին։
Խոսքը «Անձրեւային օր Նյու Յորքում» ֆիլմի մասին է։ Կա եւս երեք ֆիլմ, որոնցից հրաժարվել է Amazon Studios-ը։ Ռեժիսորը պահանջում է 68 միլիոն դոլար, որը ներառում է նկարահանումների երաշխավորված փոխհատուցումն է, ինչպես նաեւ դատական ծախսերի կոնպենսացումը։
«Amazon-ն իր գործողություններն արդարացնում է՝ հիշատակելով 25 տարի վաղեմության անհիմն պնդումը, երբ Ալենի հետ կնքվել է չորս պայմանագիր», - ասվում է Նյու Յորքի դատարան ուղղված հայցում։
Ըստ ամենայնի, ստեղծված իրավիճակի մեղավորը ռեժիսորի խորթ դուստրն է, որը 2014թ․-ին բաց ամակով հայտարարել էր, որ յոթ տարեկան հասակում Ալենի կողմից ենթարկվել է սեռական ոտնձգությունների։
Ենթադրելի սեռական ոտնձգություններն արդեն քննության առակա դարձել են 1993թ․-ին, սակայն Ալենի դեմ այն ժամանակ ոչ մի մեղադրանք չի առաջադրվել։
Այս պատմութոյւնը նոր թափ հավաքեց #MeToo շարժման շնորհիվ եւ հաջորդ տարվա հունիս ամսին ընկերության ներկայացուցիչը Ալենին տեղեկացրեց համագործակցության դադարեցման մասին։
Լուսանկարը՝ IMDb, Spletnik