«Հակապատժամիջոցային» ճաշատեսակներ. Մարգարիտա Սիմոնյանը հանգստյան օրերին ընտանիքին ուրախացրել է համեղ ընթրիքով

16:46   11 փետրվարի, 2019

Russia Today-ի գլխավոր խմբագիր եւ ռեժիսոր Տիգրան Քեոսայանի կինը՝ Մարգարիտա Սիմոնյանը, ծանրաբեռնված աշխատանքային գրաֆիկով է աշխատում, սակայն մեծ հայկական ընտանիքի առջեւ պարտականությունների մասին չի մոռանում։ Հանգստյան օրերին Մարգարիտան գաստրոնոմիական դրախտ է ստեղծում մտերիմների համար։ Ինչպես լրագրողը կատակել է, սննդակարգում ներառված են «հակապատժամիջոցային» ճաշատեսակներ։ Շոգեխաշած հավի վզիկներ պղպեղով, ծովատառեխ կարտոֆիլի հետ, սնկով ռիզոտո եւ ծովամթերք, իտալական խոհանոցի ճաշատեսակներ…

«Այսօր «հակապատժամիջոցային» իտալական ընթրիք կպատրաստնեք բուրատայով եւ բոտարգայով։ Հաջորդ հրապարակումներում կտեսնեք յուրաքանչյուրի բաղադրատոմսը։ Վոնգոլե, ութոտնուկներ եւ այլ կենդանիներ վաճառվում են Մոսկվայի մեծ շուկաներում։ Իմ սիրելի Սոչիում եւս վաղուց հայտնվել են։ Գրեք՝ արդյոք հնարավոր է ծովամթերք գտնել ձեր քաղաքում»,- իր Instagram-ում գրել է Սիմոնյանը։

Իտալական ճաշատեսակներից Սիմոնյանը պատրաստել է ապխտած վոնգոլեով աղցան, որը գնել է համացանցում եւ կիսվել բաղադրատոմսով։ «Վերցնում ենք աղցանի համար նախատեսված ցանկացած բանջարեղեն, ես խառնել եմ ռուկոլա եւ սպանախ։ Ավելացնում ենք վոնգոլե, լորի ձու, ձիթապտուղ, ապխտած լոլիկ, սոխ, չերի լոլիկ, ձիթապտղի յուղ եւ բալզամիկ քացախ»,- գրել է Սիմոնյանը։

Ամենայն հանավականությամբ, Երեւանում չեք կարողանա վոնգոլե գտնել, սակայն համարձակվում ենք փոփոխել Մարգարիտայի յուրօրինակ բաղադրատոսմը եւ խորհուրդ տալիս այն փոխել սառեցված միդիայով։  

Որպես նախուտեստ Սիմոնյանը մատուցել է մոցարելա եւ բուրատա՝ քաղցր լոլիկի եւ ռեհանի հետ, իսկ սեղանի «թագավորը» բանջարեղենով ութոտնկուն էր։



© NEWS.am STYLE