Հայտնի ռեալիթի-շոուի անհետացած աստղին հայտնաբերել են մոսկովյան կլինիկայում

Երեկ սոցիալական ցանցերը ողողել էր «Ամուրին» հայտնի ռեալիթի շոուի Ռոզա Հերցի (Անաստասիա Մատրոնինա) Դուբայում անհետացման մասին տեղեկությունը։ Նրա հետ կապն ընդհատվել էր հունվարի 30-ից։ Պարզվել է, սակայն, որ աղջիկը բուժում է անցնում Մոսկvայի կլինիկաներից մեկում։

Անաստասիա Մատրոնինայի անհետացման մասին հայտնել էին նրա ընկերները՝ Եգոր Կրիդի մասնակցությամբ 6-րդ եթերաշրջանի աստղերը՝ հաղորդելով, որ նրա հետ կապն ընդհատվել է հունվարի 30-ից։ Այս օրը Ռոզան Դուբայից ժամանել է Մոսկվա։

Instagram-ի Stories բաժնում նա կիսվել էր օդանավում արված տեսանյութով, ինչից հետո ոչինչ չէր հրապարակել։ Կադրերում երեւում է, որ նա ստյուարդուհուն հարցնում է՝ արդյոք օդանավականայում որեւէ մեկը սպասում է իրեն։ Ստյուարդուհին վստահ պատասխան է տվել, սակայն Ռոզան շարունակել է խոսակցությունը։ Տեսանյութն այդ հատվածում ընդհատվում է։

Ըստ Ռոզայի ընկերների՝ դրանից հետո նա սոցիալական ցանցերում չի եղել եւ հեռախոսազանգերին չի պատասխանել։ Ռոզայի ընկերուհիներից մեկը՝ Դիանան, վերջապես հայտնել է, որ Նաստյան գտնվել է եւ ողջ է։ «Նա հիվանդանցում է։ Այլ մանրամասներ չգիտեմ։ Շնորհակալություն բոլոր նրանց, ովքեր անկեղծորեն անհանգստանում էին»,- հայտնել է մոդելը։

Ինչպես հայտնում է Dom2life-ը, ոչ քրեական միջադեպ չի գրանցվել, եւ նա պարզապես հիվանդանոցնում է հայտնվել։ Մայրաքաղաքի օդանավակայան հասնելուց հետո մոդելը սկանդալ է բարձրացրել։ Նրա ընկերներից մեկը գրել է, որ գտել են ստյուարդուհուն, ում հետ տեսանյութում խոսում է Ռոզան։ Վերջինս պարզաբանել է, որ ուղեւորը պատռել է անձնագիրը, եւ նրան օդանավակայանում հանդիպել է ոստիկանությունը։ Պորտալի տվյալներով՝ այժմ աղջիկը բուժման կուրս է անցնում նարկոլոգիական հիվանդանոցում։ Հայտնի չէ նաեւ՝ ում հետ է Նաստյան հանգստացել Արաբական Միացյալ Էմիրություններում։ Նա կիսվում էր շքեղ ռեստորանում, հյուրանոցում արված լուսանկարներով։ Կադրերում «Ամուրին» շոուի աստղը միայնակ էր։