Անսպասելի. Դեցլի մայրը բացահայտել է երգչի մահվան իրական պատճառը

Ռեփեր Կիրիլ Տոլմացկու (Դեցլ) մայրը՝ Իրինա Տոլմացկայան, պատմել է որդու մահվան պատճառի մասին։ Նրա խոսքով՝ որդու մահվան պատճառ է դարձել գերծանրաբեռնվածությունը։

Փետրվարի սկզբին հայտնի դարձավ, որ Իժնեւսկի ակումբներից մեկում մահացել է ռեփեր Դեցլը։ Ականատեսների խոսքով՝ արտիստի ինքնազգացողությունը հանկարծակի վատացել է, նա հեռացել է հանդերձասենյակ, որտեղ կորցրել է գիտակցությունը։ Դեպքի վայր հասած բժիշկները փորձել են վերականդանացման միջոցառումներ կատարել, ադրենալին են ներարկել, սակայն արտիստի կյանքը փրկել չի հաջողվել։

Ռեփերի հանկարծակի մահը շոկի է ենթարկել երկրպագուներին։ Համացանցում առաջինը վարկածներ հայտնվեցին արգելված նյութերով գերդոզավորման մասին։ Սակայն փորձաքննությունը ցույց է տվել, որ երգչի արյան մեջ արգելված միջոցներ չեն եղել։ Կիրիլի մայրը՝ Իրինա Տոլմացկայան, ռուսական «Առաջին ալիքի» եթերում պատմել է որդու մահվան իրական պատճառների մասին։

«Բացառիկ» հաղորդման եթերում նա հերքել է վարկածը, թե մահը կարող էր վրա հասնել արգելված միջոցների կամ ալկոհոլի օգտագործման պատճառով։ «Մահվան պատճառը գերծանրաբեռնվածությունն է։ Վերջին կես տարվա ընթացքում նա երկու ալբոմ է ձայնագրել։ Մի անգամ բողոքել է, որ ցավել են ոտքն ու ձեռքը։ Նա ցանկանում էր ինչ-որ կարեւոր, մաքուր բան անել։ Պարզապես չէր գրում, անում էր ի ստե»,- ասել է Իրինան։

Ավեի վաղ պրոդյուսեր Անդրեյ Ռազինը, ով Դեցլին ճանաչել է դեռ մանուկ հասակից, հայտնել է երգչի մահվան իր վարկածի մասին։ Նա վստահ էր, որ չարակամները կարող էին թունավորել արտիստին, քանի որ նա նոր երաժշտության վրա էր աշխատում։

«Երբ նրա ինքնազգացողությունը վատացել է, բոլորը փախել են։ Չեմ հասկանում՝ ինչու են հանդերձարանում նրան միայնակ թողել։ Կիրիլը երբեք չի բուժվել կլինիկաներում, տեսահոլովակներում սովորական ծխախոտ է ծխել՝ ձեւացնելով, թե դրանք արգելված նյութեր են։ Նա Իժնեւսկում հրաշալի է աշխատել։ Այժմ քննչական կոմիտեն հետաքննություն է անցկացնում, քանի որ կարող էր թունավորում լինել»,- հայտարարել էր Անդրեյ Ռազինը։