Ինչպես է Քիմ Քարդաշյանն ապօրինաբար գումար աշխատում այլ ապրանքանիշերի հաշվին

Համացանցում մինչ այժմ քննարկվում է Քիմ Քարդաշյանի համարձակ կերպարը Hollywood Beauty Awards մրցանակաբաշխության ընթացքում։ Քիմը կրում էր Therry Mugler-ի՝ 1998թ.-ի զգեստը, իսկ այսօր ամերիկյան ոչ թանկարժեք Fashion Nova ապրանքանիշի կայքում հայտնվել է գրեթե նույն ձեւի զգեստ։

Diet Prada-ն հետաքննություն է անցկացրել եւ պարզել, որ նման բան առաջին անգամ տեղի չի ունենում։ Fashion Nova-ն հայտնի է ընտանիքի երկրպագուներին, քանի որ ցանկում ունի Քարդաշյան-Ջեններների գրեթե բոլոր նշանավոր զգեստները, որոնք, իհարկե, մի քանի անգամ էժան են։ Մի քանի շաբաթ առաջ Քիմ Քարդաշյանը ոսկեգույն զգեստով լուսանկար էր հրապարակել, որը «մինչ այդ ոչ ոք չէր», իսկ մեկ ժամ անց Fashion Nova-ն վաճառքի հանեց նույն զգեստը։

Diet Prada-ի կարծիքով՝ այդ կերպ Քիմ Քարդաշյանն այլ ապրանքանիշերի հաշվին գումար է աշխատում. նա Fashion Nova-ին վաճառում է հագուստի դիզայնը, որով ներկայանալու է հանրությանը, իսկ վերջինս թողարկում է ոչ թանկարժեք տարբերակները։ Եվ նրանք ծանրակշիռ փաստարկ ունեն։

Ապրանքանիշի Instagram-ի Stories բաժնում լուքբուքի նկարահանումից տեսանյութ է հայտնվել, որում մոդելը կրում է նույն սեւ զգեստը։ Տեսանյութում երեւում է ամսաթիվը՝ փետրվարի 14, այսինքն՝ նախքան Քարդաշյանի հայտնվելը կարմիր գորգին։ Ավելին, լուսանկարչի նոութբուքում աշխատանքային լուսանկարներն անվանված են «Քիմի զգեստը», ինչը եւս մեկ անգամ ապացուցում է Diet Prada-ի վարկածը։

View this post on Instagram

A post shared by Diet Prada ™ (@diet_prada) on Feb 18, 2019 at 6:54pm PST

«Քիմ, դու երբեք չես խոստովանի «փոքրիկ համագործակցությունը»։ Բայց մենք ունենք բոլոր կտրոնները»,- հրապարակումը մակագրել է Diet Prada-ն։ Իսկ Telegram-ի «Good Morning, Karl!» ալիքի հիմնադիր Կատյա Ֆյոդորովան գրում է. «Ափսոս, որ դրա համար ամենայն հավանականությամբ կճարեն նրան եւ ոչ Տյերի Մյուգլերին, ով մտածել է դիզայնը»։