«Սեւը միշտ էլեգանտ է». Էլեն Ասատրյանի գրավիչ կերպարը

Հանրությանը սերիալներից հայտնի դարձած երիտասարդ դերասանուհի, հանդիսավար Էլեն Ասատրյանն, ով Instagram-ի իր հետեւորդներին հաճախ ուրախացնում է նոր ու գայթակղիչ լուսանկարներով, ներկայացել է ոճային կերպարում։

Էլեն Ասատրյանը նոր լուսանկար է հրապարակել իր միկրոբլոգում, որում սեւ տաբատ է կրում եւ նույն գույնի կոստյում։ «Սեւը միշտ էլեգանտ է: Այն միավորում է բոլոր գույները եւ ընդգծում մարդու դիմագիծն ու տեսակը»,- մեկնաբանություններում գրել է Էլեն Ասատրյանը:

Հիշեցնենք՝ ավելի վաղ հրապարակված լուսանկարի մեկնաբանություններում Էլեն Ասատրյանը ցանկություն էր հայտնել, որ կանայք ուժեղ լինեն։ «Ես ուզում եմ, որ կանայք ուժեղ լինեն․․․ ոչ այնքան, որ իրենց մեջքին պարկեր քարշ տան։ Ո՛չ։ ․․․ Այլ որպեսզի կարողանան դուռը փակել այն մարդու քթի առաջ, ով իրենց ուրախություն չի բերում․․․ Որպեսզի թույլ չտան իրենց նեղացնել, ինքնաբավ լինեն, ամբողջական, եւ իրենց հանդեպ հարգանքով լեցուն․․․ Որպեսզի չվախենան միայնակությունից, որպեսզի իրենց սիրեն այնքան ուժգին, որ ոչ մեկին թույլ չտան նսեմացնել իրենց․․․

Որպեսզի հետեւեն իրենց արտաքուստ, ներքուստ ավելի հարուստ դառնան, և դադարեն համարել, թե ամենաուժգին ցավն անպատասխան սերն է, իսկ իրենց կյանքի նպատակը՝ հնարավորինս արագ ամուսնանալը: Առաջ մղվեն ներքին կենդանությամբ, որպեսզի դադարեն իրենք իրենց ստել եւ համաձայնվել քչին։ Լինեն ամբողջական ու հնչող»,- գրել էր նա։