Հայտնի է՝ ինչու է Շարլիզ Թերոնը թխահեր դարձել
10:09 27 փետրվարի, 2019Բոլորովին վերջերս՝ «Օսկար» մրցանակաբաշխության կարմիր գորգին, ցուցադրվել են աստղերի շքեղ, որոշ դեպքերում՝ նաեւ զարմանալի կերպարները։ Մենք սովոր ենք դերասանուհի Շարլիզ Թերոնին տեսնել շիկհար կնոջ կերպարում, սակայն մրցանկաբաշխությանը նա հայտնվել էր նոր կերպարով՝ կարճ եւ թուխ մազերով։
Կերպարանափոխման պատասխանատուն ոճաբան Ադիր Աբերգելն էր, ով Us Weekly-ի հետ զրույցում պատմել է՝ ինչու է Շարլիզ Թերոնը որոշել ոճային փոփոխություն անել հանուն «Օսկար»-ի.
«Շարլզին անվախ է եւ պաշտում է էքսպերիմենտներ անել։ Երբ ես տեսա Dior ապրանքանիշի շքեղ կապույտ զգեստը, որը Շարլիզը պատրաստվում էր կրել մրցանակաբաշխութնանը, հասկացա, որ այս դեպքում մուգ մազերն իդեալական հակադրություն կկազմեն զգեստի հետ։ Ստիպված էինք տանջվել՝ բաց երանգից մուգին անցնելու համար, ինչի համար ընդամենը մի քանի շաբաթ ունեինք։ Բայց գունավորման տեխնիկայի շնորհիվ արարողությունից ընդամենը օրեր առաջ Շարլիզին վերածեցինք թխահերի»։
Այս առումով, հավանաբար, կհամաձայնենք. շեշտադրումն արել են սեւ գույնի վրա եւ չեն սխալվել. թխահեր Շարլիզն իսկապես շքեղ տեսք ուներ։ Սակայն սոցիալական ցանցերի մի շարք օգտատերերի դուր չի եղել դերասանուհու նոր կերպարը։ Շատերը կարծում են, որ շիկահեր Թերոնը շատ ավելի վառ ու հետաքրքիր տեսք ուներ։ Կարծիք կա նաեւ, որ զգեստը եւս չէր համապատասխանում դերասանուհուն, հատկապես վառ շրթներկով։ Միայն թե դերասանուհին հրաշալի տեսք ունի ցանկացած կերպարում։
Լուսանկարները՝ Allure