Մասիսի Ֆրանկոֆոնիայի բուլվարում մեծ շուքով նշվում է Հայաստանի եւ Ֆրանսիայի հանրապետությունների տոներից մեկը` Բուն Բարեկենդանն ու ֆրանսիական Mardi gras-ը:
Տոնի մեկնարկը տրվեց Մասիսի Սուրբ Գեւորգ եկեղեցում` պատարագով, որից հետո դհոլով, զուռնայով, երգով ու պարով հավաքվածները շարժվեցին դեպի Ֆրանկոֆոնիայի բուլվար:
Քայլերթին միացավ նաեւ Հայաստանում Ֆրանսիայի դեսպան Ջոնաթան Լաքոթը:
Բուլվարում ներկայացվեցին հայկական եւ ֆրանսիական մշակույթին հատուկ ծիսակարգեր` խաղեր, պարեր, երգ, երաժշտություն: Ելույթ ունեցավ նաեւ «Կարին» ավանդական երգի-պարի համույթը:
Միջոցառման նպատակն է ֆրանկոֆոնիան տարածել Մասիսում, ստեղծել մշակույթների երկխոսություն եւ միջմշակութային կապեր հաստատել հայերի եւ Հայաստանում բնակություն հաստատած ֆրանսիացիների միջեւ:
Տոնակատարությանը ներկա էին ինչպես հայեր, այնպես էլ ֆրանսիացիներ: Ներկա էր նաեւ NEWS.am STYLE-ը: Մանրամասները` մեր պատրաստած ֆոտոռեպորտաժում եւ տեսանյութում:
Սյունե Առաքելյան