Մնաս բարով, մաեստրո․ Chanel-ի համար Կարլ Լագերֆելդի վերջին հավաքածուն
22:07 5 մարտի, 2019Վերջացավ փարիզյան նորաձեւության շաբաթվա ամենասպասված ցուցադրությունը։ Ցուցադրվել է Chanel-ի համար Կարլ Լագերֆելդի վերջին հավաքածուն։
Կազմակերպիչները Grand Palais-ը վերածել են լեռնադահուկային հանգստի գոտու՝ հարմարավետ տնակներով եւ ձնաթմբերով, իսկ ֆոնին սարեր էին։
Հավաքվածները հարգել են Կարլ Լագերֆիլդի հիշատակը, որը 36 տարի աշխատել է Chanel նորաձեւության տանը։ Լռությունը խախտել է ինքը դիզայները, որը տեսանյութում պատմում էր իր հավաքածուների մասին։
Մեկ տխուր րոպեից հետո շոուն բացեց դիզայների գլխավոր մուսան՝ Կարա Դելեվինը, որը կրում էր ճերմակ, վնդակավոր կոստյում, լայնեզր գլխարկ եւ վերարկու։ Նրան հետեւել են նման՝ սեւ-սպիտակ լուքեր, թվիդային կոստյումներ, կիսաշրջազգեստներ, խոշոր գործվածքով սվիտերներ, բարձր գոտկատեղով լայն տաբատներ, ժակետներ, սպիտակ վերնաշապիկներ։ Էթնիկակա պրինտերը զարդարում էինբրդյա կարդիգանները, զգեստներն ու կիսաշրջազգեստները։
Միագույն գամման փոխարինվել էր վառ կոստյումներով, կաշվով, բաց երկնագույն, բաց մանուշակագույներանգնորի կարճ փքվաշ բաճկոններով։ Լեռնադահուկային թեման շարունակեցին թեթեւ սպիտակ զգեստները, մարմինն ընգրկող կոմբինիզոնները, որոնց վրա պատկերված էին դահուկորդներ։
Ցուցադրությունը եզրափակեցին երեկոյան զգեստները՝ քեյփերով, կիսաթափանցիկ բլուզներով, սպիտակ, փետրավոր կիսաշրջազգեստներն ու նույն երանգի տոպերը, որոնք զարդարված էին փոթազարդով։
Անակնկալներ նույնպես եղել են․ պուդիում է բարձրացել դիզայների վաղեմի ընկերուհի Պենելոպե Քրուզը։ Դերսանուհին կրում էր սպիտակ, փքված կիսաշրջազգեստ եւ տոպ, իսկ նր ավարսերը զարդարում էր սպիտակ վարդ։
Մեծն դիզայներին նվիրված շոուի հյուրերն էին Քրիսթան Ստյուարտը, Մարիոն Կատիյարը, Նաոմի Քեմփբելը, Կլաուդիա Շիֆերը, Մոնիկա Բելուչին,Ժանել Մոնեն եւ Աննա Վինտուրը։ Միջոցառումը եզրափակվել է Դեւիդ Բոուի Heroes երգով, որի ներքո արտասվում էին մոդելներն ու ցուցադրության հյուրերը։
Աղբյուրն ու լուսանկարները՝ FW Daily