Փարիզում ավարտին է մոտեցել նորաձեւության շաբաթը, որն այս տարի հիշվել է Chanel-ի փայլուն ցուցադրությամբ։ Ապրանքանիշը ցուցադրել է Կարլ Լագերֆելդի վերջին հավաքածուն։ Ամբողջ աշխարհն ամենայն ուշադրությամբ հետեւում էր ոչ միայն անվանի դիզայներների նոր հավաքածուներին, այլեւ հայտնի նորաձեւ կանանց կերպարներին։
Հայտնի բրիտանացի սուպերմոդել Նաոմի Քեմփբելը գրավել է Փարիզն իր նորաձեւ կերպարներով։ Ցուցադրություններից մեկի ընթացքում նա ներկայացել է վառ կերպարով։
Եվ եթե նա օրերս ներկայացել էր Valentino-ի սեւ-սպիտակ զգեստով, հաջորդ օրը բրիտանուհին երկրպագուներին հիացրել է վառ կերպարով։ 48-ամյա Նաոմի Քեմփբելը կարմիր մուշտակ էր կրում եւ մանրածալքավոր շրջազգեստ։ Մոդելը վառ աքսեսուար էր ընտրել՝ արեւային ակնոցներ, իսկ կերպարն ամբողջացնում էր նոր սանրվածքը։ Նաոմին որոշել է էքսպերիմենտ անել եւ կրել է կարե սանրվածքով կեղծամ։