Ամեն ինչ սկսվեց այն պահից, երբ Քիմ Քարդաշյանը հանրությանը ներկայացավ վինտաժային զգեստով, որը 1996թ.-ին պոդիումի վրա ցուցադրել էր Նաոմի Քեմփբելը։ Օգատերերը դրանից հետո բազմաթիվ ապացույցներ են գտել, որ Քիմը կրկնօրինակում է Նաոմիի կերպարները։
Ընտանիքի ընկերոջ հարսանեկան արարողությանը մասնակցելու համար Քիմն ընտրել էր Versace ապրանքանիշի զգեստը։ Օգտատերերը միանգամից գտել են լուսանկարը, որում Նաոմին ցուցադրության ընթացքում փայլում է նմանատիպ հագուստով։
Նրանցից մեկը մի ամբողջ հետաքննություն է արել եւ համադրել լուսանկարները, որոնցում հստակ երեւում է՝ Քիմը կրկնօրինակում է Նաոմիի վինտաժային կերպարները։
«Առաջին անգամ՝ պատահականություն, երկրորդ անգամ՝ համընկնում, երրորդ անգամ՝ օրինաչափություն»,- մեկնաբանություններում գրել է նորաձեւության փորձագետը։
Նրա հրապարակումը գրավել է այլ օգտատերերի ուշադրությունը եւս։ Նրանք Քիմին մեղադրել են «պլագիատի» մեջ՝ նշելով, որ նա կարող էր ասել, որ գաղափարն իրենը չէ։