Կինոյի ֆոնդը խոշոր գումարի պահանջով հայց է ներկայացրել Անդրեասյան եղբայրների հիմնած Enjoy Movies-ի դեմ
15:37 13 մարտի, 2019Կինոյի ֆոնդը հայց է ներկայացրել Enjoy Movies ընկերության դեմ՝ կազմակերպության համար ռեկորդային գումարով՝ 112,9 մլն ռուբլի։ Գործը գրանցվել է Մոսկվայի արբիտրաժային դատարանում։
2016թ.-ին Կինոյի ֆոնդը կինոընկերությանը 112,7 մնլ ռուբլի է հատկացրել «Ալադին» ֆիլմի նկարահանման համար, սակայն այն այդպես էլ չի նկարահանվել։ Enjoy Movies-ի եւ ֆոնդի կայքերում ֆիլմի մասին տեղեկատվություն առկա չէ։ Ընդհանուր առմամբ ֆոնդը 24 պարտատեր կազմակերպություն ունի։ Enjoy Movies-ին հաջորդում է «Медиа Арт Студио»-ն՝ 80 մլն ռուբլի գումարով։
2010թ.-ին Enjoy Movies ընկերութունը հիմնել են Սարիկ եւ Ղեւոնդ Անդրեասայանները եւ Գեորգի Մալկովը։ 2017թ.-ին եղբայրները լքել են նախագիծը։ 8 տարվա ընթացքում նրանք եղել են «Պաշտպաններ», «Կոմա», «Երկրաշարժ» ֆիլմերի պրոդյուսերներից մեկը։ Սարիկ Անդերասայանը հայտնի է որպես «Հղին», «Այն նույն Կառլսոնը», «Ինչ են անում տղամարդիկ» ֆիլմերի ռեժիսոր։
Լրատվամիջոցների հարցումներից հետո եղբայրները Facebook-ում հրապարակումներ են արել՝ հայտնելով, որ այժմ ընկերության հետ ոչ մի ընդհանուր բան չունեն։ «Մեծ խնդրանք։ Մինչ մեր բարի եւ ազնիվ ազգանվան վերաբերյալ հիմարություններ գրելը բարեհաճեք վերստուգել տեղեկատվությունը։ Ես հասկանում եմ, որ շատերը ձգտում են աղմուկ բարձրացնել մեր շուրջ, բայց ես ձեզ վստահեցնում եմ, որ դա չի աշխատի, քանի որ ես հերթական անգամ ցանկանում եմ ասել, որ չեմ ցանկանում հայտնի լինել։ Google-ը եւ պարտապանների պաշտոնական ցանկերը օգնության կհասնեն»,- իր միկրոբլոգում գրել է Սարիկը։
2017թ.-ին Enjoy Movies-ը մտադիր էր իրեն սնանկ հայտարարել։ 2018թ.-ի հուլիսին կինոյի ֆոնդը հայտարարեց, որ ընկերությունն ամբողջությամբ մարել է բոլոր պարտքերը՝ վերադարձնելով 50 մլն ռուբլի, որը տրամադրվել էր «Պահապաններ» ֆիլմի համար։
Ավելի վաղ մշակույթի նախարար Վլադիմիր Մեդինսկին դիմել էր դատախազություն՝ խնդրելով ստուգել ընկերությունները, որոնք պարտքեր ունեն կինոյի ֆոնդին։ Արդյունքում մի քանի քրեական գործ էր հարուցվել բյուջետային միջոցների վատնման վերաբերյալ։