Ալեքսիս Օհանյանը սրտառուչ հրապարակում է արել դստեր մասին (վիդեո)
15:39 15 մարտի, 2019Ամերիկացի միլիոնատեր, Reddit կայքի հիմնադիր Ալեքսիս Օհանյանն անսահման սիրում է դստերը, ինչը հաճախ ցուցադրում է իր միկրոբլոգերում։ Օհանյանը նոր հոլովակ է հրապարակել դստեր՝ Օլիմպիայի հետ, որի մեկնաբանություններում խոսել է հայր լինելու երջանկության մասին։
Посмотреть эту публикацию в Instagram
«Հայր դառնալ նշանակում է, որ ես հնարավորություն ունեմ կրկին վերապրելու ամեն բան դստերս չպղտորված աչքերով։ Նույնիսկ պարզ, համեղ, թարմ միրգը երջանիկ պարի առիթ է։ Ես կրկին սովորում եմ՝ ինչ է նշանակում ուրախանալ ինքդ քեզանով։ Նույնիսկ երախտագիտության եւ մտորումների կարճ պահերը երկար ճանապարհ են անցնում։ #DadThings»,- գրել է Օհանյանը։
Սեւ-սպիտակ հոլովակում Ալեքսիսի եւ թենիստի բազմակի չեմպիոն Սերենա Ուիլյամսի դուստրը երգում եւ ուրախանում է «համեղ մրգի»՝ բանանի համար։ Օհանյանին կարելի է ոչ միայն իդեալական հայր, այլեւ ամուսին համարել, ով ոչինչ չի խնայում, երբ խոսքը ռոմանտիկայի մասին է։
Հարցազրույցներից մեկում Reddit-ի հիմնադիրը պատմել է, որ ինքը մի քանի հաճելի ժեստ է արել Սերենայի հանդեպ, ինչը վիրավորել է ընկերներին եւ շատ օգտատերերի, ովքեր ասում էին, թե իր ֆոնին վատ տեսք ունեն։
«Այդ պամությունը սկսվեց, երբ ես կնոջս բիլբորդներ նվիրեցի (բոլոր ժամանակների մեծագույն մայրը)։ Այդ կերպ ես ցանկանում էի նշել Սերենայի վերադարձը մեծ թենիս։ Հղիության ու ծննդաբերության պատճառով, որոնք նրա համար բավական բարդ էին, նա ստիպված էր դադար վերցնել սպորտային կարիերայում։ Դրան հաջորդեց ճանապարհորդությունն Իտալիա։ Երբ Սերենան խնդրեց իր համար իտալական ոճով ընթրիք պատրաստել, ես նրան մասնավոր ինքնաթիռով Վենետիկ տարա»,- պատմել է Օհանյանը։