38 տարեկան հասակում մահացած երգչուհի Յուլյա Նաչալովային վերջին հրաժեշտ են տալիս Տրոյեկուրովյան գերեզմանատանը։ Ինչպես հայտնում են ականատեսները, հուղարկավորության ընթացքում հրմշտոց է սկսվել։
Վաղ առավոտից երգչուհու երկրպագուները սկսել են հավաքվել գերեզմանատան մոտակայքում։ Մոսկվայի ժամանակով ժամը 10։00-ին կայանատեղին լի է եղել։ Նույն ժամանակ սկսել են մոտենալ շոուի-բիզնեսի ներկայացուցիչները։
Լրագրողները հայտնում են, որ ծիսական սրահի մոտ քաոս է տիրել։ Անվտանգության աշխատակիցները խնդրում են չլուսանկարել։
«Կազմակերպված հերթ չկա։ Բոլորը ժամացույցին են նայում եւ սպասում արարողության սկսվելուն»,- նշում է «Մոսկովսկի կոմսոմոլեց»-ը։ Հավաքվածներն անհանգստանում են, որ չեն հասցնի հրաժեշտ տալ երգչուհուն։
Արարողությունը տեղի կունենա Մոսկվայի ժամանակով 12։00-14։00-ը։ Հոգեհանգստին մասնակցել են երգչուհի Իրինա Սալտիկովան, վարժեցնող Էդգարդ Զապաշնին, երգչուհի Իլոնա Բրոնեւիցկայան, երաժիշտ Վլադ Տոպալովը, Иванушки International խմբի մենակատար Կիրիլ Անդրեեւը եւ այլք։
Լուսանկարները՝ KP