«Վայրի հրեշտակը» սերիալի աստղ Նատալյա Օրեյրոն «Անմոռանալի շրջագայության» շրջանակներում Ռուսաստանում է։ Երգչուհին ապրիլի 7-ին համերգով հանդես կգա նաեւ Երեւանում։
Ռուսաստանում շրջագայության նախօրյակին նա մասնակցել է «Երեկոյան Ուրգանտ» հաղորդմանը։ Օրեյրոն Ուրգանին ցույց է տվել նոր դաջվածքը. նա մեջքին գրել է բոլոր այն քաղաքների անունները, ուր համերգներով հանդես կգա մոտակա ժամանակներում։ Քաղաքների անունների շարքում է նաեւ Հայաստանի մայրաքաղաքը՝ «07.04 Երեւան»։
Հաղորդավարը հետաքրքրվել է՝ արդյոք այդ շարունակական համերգային շրջագայության ընթացքում երգչուհու ամուսինը կկատորի՞ նրան, ինչին ի պատասխան Օրեյրոն հայտնել է, որ ամուսինն իրեն կմիանա Հայաստանում։ Ուրգանտը հարցրել է՝ արդյոք նա կժամանի՞ Ռուսաստան։
«Հայաստան։ Ի՞նչ է, ես քեզ հետ այլ լեզվով եմ խոսում։ Հայաստան, Հայաստան։ Ինչպե՞ս է հնչում Հայաստան ռուսերենով»,- հավելել է երգչուհին։
Նատալյա Օրեյրոն հաճախ է այցելում Ռուսաստան։ Նա նշում է, որ իրեն ոչ միայն ռուս է զգում, այլեւ «ավելի շատ ռուս, քան Ժերար Դեպարդյեն», ով մի քանի տարի առաջ է քաղաքացիություն եւ գրանցում ստացել Սարանսկում։
«Մնում է միայն, որ Պուտինն ինձ անձնագիր հանձնի»,- ժպիտով կատակել է երգչուհին։ Այնուհետեւ Ուրգանտը նրան առաջարկել է հենց եթերի ժամանակ դիմել Ռուսաստանի նախագահին, ինչը երգչուհին արել է։