«Աստված օրհնի Հայաստանը». Էլթոն Ջոնը նշում է 72-ամյակը (ֆոտո/վիդեո)
13:35 25 մարտի, 2019Բրիտանացի հայտնի երաժիշտ Էլթոն Ջոնն այսօր՝ մարտի 25-ին, նշում է ծննդյան 72-րդ տարեդարձը: Իր կարիերայի 50-ից ավել տարիների ընթացքում Ջոնը վաճառել է ավելի, քան 250 միլիոն ձայնասկավառակ, նրա 52 սինգլները բրիտանական TOP 40 հիթ-շքերթում են ընդգրկված եղել:
Էլթոն Ջոնը 70-ականների ամենաազդեցիկ երաժիշտներից էր. նրա ալբոմներից 7-ը Billboard 200-ի առաջատար հորիզոնականներում են եղել:
2018 թ-ին աշխարհահռչակ երաժիշտը պատվեց Հայաստանին՝ իր այցով: Երգիչը Հայաստան էր ժամանել ամերիկյան Starkey ընկերության բարեգործական ծրագրի շրջանակում, որը զբաղվում է լսողական սարքերի արտադրությամբ: Երկրպագուներն, իհարկե, հույս ունեին , որ Ջոնը նաեւ ելույթ կունենա համերգային ծրագրով, սակայն երաժիշտի գրաֆիկը շատ խիտ էր: Մի քանի օր հայկական օդը շնչելուց հետո՝ երգիչը խոստովանեց. «Հայաստանը ֆանտաստիկ է» եւ մեկնեց այստեղից՝ վերադառնալու հույսով:
Մինչ երաժիշտի երեւանյան սպասված համերգն իրականություն կդառնա՝ մենք վերհիշել ենք նրա ամենահայտնի ստեղծագործություններց մի քանիսը, որոնք առաջարկում ենք ձեր ուշադրությանը: