77 տարի առաջ այս օրը՝ մարտի 25-ին, աշխարհում եւ երաժշտական իրականության մեջ լույս աշխարհ եկավ մի երգչուհի, որը պետք է իր հետքը թողներ տիեզերքի պատմության մեջ: Այդ երգչուհու առաջին հաջողություններն արդեն զգացնել տվեցին 60-70-ական թ-երի ընթացքում: Խոսքն, իհարկե, լեգենդար երգչուհի Արետա Ֆրանկլինի մասին է, որը մեկ տարի առաջ, ցավոք, լքեց աշխարհը ֆիզիկապես, սակայն իր երգերով դեռ երկար տարիներ իր ուրույն տեղը կունենա երաժշտության մեջ:
NEWS.am STYLE-ը վերհիշել է աշխարհահռչակ երգչուհու հայտնի ու ազդեցիկ մտքերից մի քանիսը, որոնք առաջարկում ենք ձեր ուշադրությանը:
«Մարդիկ երկար ճանպարհ են անցել, բայց աշխարհում դեռ շատ ու շատ խտրականություններ կան»:
«Միայն երգելով չես կարող կոչվել թագուհի կամ դիվա: Պետք է հաշվի առնել նաեւ այն, թե ինչ ծառայություններ ես մատուցում մարդկանց»:
«Եղիր ինքդ քո արտիստն ու միշտ ինքնավստահ եղիր քո գործում»:
«Մենք բոլորս պահանջում ենք հարգանք՝ կին, թե տղամարդ, սպիտակ, թե սեւ… Դա մեր գլխավոր իրավունքն է»:
«Երբեմն այն, ինչ մենք փնտրում ենք, հենց մեր առջեւում է»:
«Երբ Աստված քեզ սիրում է, ուրիշ էլ ի՞նչ է քեզ պետք»:
«Ոչ ոք պարտավոր չէ քեզ ինչ-որ բան տալ, այնպես որ շնորհակալ եղիր այն ամենի համար, ինչ տալիս են»:
«Սիրուց հիասթափվելը նման է քաշ կորցնելուն: Ավելի հեշտ է այն տալ, քան վերցնել»:
«Գոսփելն ինձ հետ է, որտեղ էլ, որ լինեմ: Գոսփելն իմ մասնիկն է»:
«Իմ ամբողջ կյանքի սե՞րը… Ես շատ փոքր եմ, որպեսզի պատասխանեմ այդ հարցին»: