Լեոնիդ Ագուտինը եւ նրան «գրաված» հայ երաժիշտ Արտակ Ներսիսյանը հանդիպել են Մոսկվայում համերգի ընթացքում
12:26 1 ապրիլի, 2019Կոմպոզիտոր, պոետ եւ երգիչ Լեոնիդ Ագուտինը համարվում է ռուսական շոու-բիզնեսի սյուներից մեկը՝ վառ, «համեղ», ֆանկ։ Նույնիսկ ամենահայտնի հիթերը թարմացնելու համար նա օգտագործում է յուրաքանչյուր հնարավորություն՝ արտասահմանյան աստղերի հրավիրելով։ Գարիկ Մարտիրոսյանի հոբելյանին, որին մասնակցել են երաժշտական բենդեր Հայաստանից, նրան զարմացրել է հայ երաժիշտը՝ շրթհարմոնահար Արտակ Ներսիսյանը։
Посмотреть эту публикацию в Instagram
«Գարիկ Մարտիրոսյանի ծննդյան օրն ուրախ էր եւ երաժշտական։ Հատկապես գրավեց Արտակ Ներսիսյանը։ Լավ երաժիշտ է»,- Instagram-ի իր էջում գրել էր Ագուտինը։
Տաղանդավոր արտիստները հանդիպել են. այս անգամ Լեոնիդի՝ «Կրոուս սիթի հոլում» մենահամերգի ընթացքում։ Լուսանկարը հրապարակել է Mr.Harmonica-ն՝ Արտակ Ներսիսյանը, ում հիացրել է ռուս արտիստի շոուն։ «Հիասքան էր։ Լի էներգիայով եւ հույզերով»,- իր միկրոբլոգում գրել է երաժիշտը։
Արտակ Ներսիսյանը Ուրախների եւ հնարամիտների ակումբի եւ PS club-ի նախկին անդամ է։ Սակայն նրան ճանաչում է բերել շրթհարմոն նվագելը. տաղանդավոր երաժիշտը վիրտուոզ կերպով է կատարում ցանկացած կոմպոզիցիա։