«Գահերի խաղ»-ի աստղերը՝ վերջին անգամ նոր եթերաշրջանի ներկայացմանը

Շուտով՝ ապրիլի 14-ին, տեղի կունենա «Գահերի խաղը» սերիալի եզրափակիչ՝ ութերորդ եթերաշրջանի համաշխարհային պրեմիերան։ Նյու Յորքի «Ռադիո սիթի մյուզիք հոլ»-ում աղմկոտ երեկույթ է անցկացվել ի պատիվ դրա թողարկման։

Այսպիսի իրադարձությունը չէին կարող բաց թողնել կուլտային սերիալի գրեթե բոլոր գլխավոր հերոսները, այդ թվում Էմիլիա Քլարկը, Քիթ Հարինգթոնը, Սոֆի Թերները, Մեյսի Ուիլյամսը, Գվենդոլին Քրիստին, ինչպես նաեւ նախորդ եթերաշրջանի մասնակիցները։

Հայտնի դերասաններին ուղեկցում էին նրանց սիրելինեը։ Կարմիր գորգին հայտնվել է Քիթ Հարինգթոնի կինը՝ Ռոուզ Լեսլին, ով սերիալում մարմնավորել է Իգրիթի կերպարը։ Սոֆի Թերները եւս սիրելիի՝ Ջո Ջոնասի հետ էր։ Այդպիսի իրադարձությունը չէր կարող բաց թողնել դերասանուհի Ամանդա Փիթը՝ սերիալի սցենարիստներից եւ պրոդյուսերներից մեկի՝ Դեւիդ Բենիոֆի կինը։ Իհարկե, որոշ դերասաններ բացակայում էին։ Սերսեյ Լանիստերի դերակատար Լինա Հիդին չէր կարողացել ներկայանալ վատառողջ լինելու պատճառով, ինչի մասին շտապել էր հայտնել Instagram-ի էջում։

Էմիլիա Քլարկը՝ (Դեյներիս Թարգարիեն) Valentino-ի զգեստով

Գվենդոլին Քրիստին՝ (Բրիենա Տարտ) Iris van Herpen-ի զգեստով

Ռոուզ Լեսլին՝ (Իգրիթ) Oscar de la Renta-ի զգեստով եւ Քիթ Հարինգթոնը՝ (Ջոն Սնոու) GIVENCHY-ի կոստյումով

Սոֆի Թերները՝ (Սանսա Սթարկ) Louis Vuitton-ի զգեստով

Մեյսի Ուիլյամս (Արյա Սթարկ)