Թագուհի Լետիցիան ամենաոճային առաջին տիկիններից մեկն է։ Նա չի վախենում հանրության շրջանում կրկին նույն կերպարով հայտնվել եւ հաճախ է տարածված ապրանքանիշերի հագուստ կրում։ Իսպանիայի առաջին տիկինը Մադրիդում կազմակերպված միջոցառման է մասնակցել, որի համար ընտրել էր Zara ապրանքանիշի՝ օձի կաշվի պրինտով զգեստը, որը զարդարված է կաշվե գոտիով։ Ֆելիպե Վեցերորդ թագավորի կինն այն համադրել էր Hugo Boss-ի սեւ բլուզի եւ Magrit ապրանքանիշ զամշե երկարաճիտ կոշիկների հետ։
Ի դեպ, թագուհին այս կերպարով արդեն հասցրել էր ընդունելության մասնակցել։ Նա չի վախենում կրկնություններից, ինչպես Բրիտանական թագավորական ընտանիքի նորաձեւ անդամներից մեկը՝ Քեյթ Միդլթոնը։
Աղբյուրը՝ Bazaar
Լուսանկարները՝ Getty Images